جاڭالارىن ساتىپ الۋ جوسپاردا جوق، ال بۇرىنعى ۆاگوندار پايدالانۋ مەرزىمى اياقتالعانعا دەيىن قولدانىستا بولادى، دەپ حابارلايدى aqshamnews.kz
بۇل تۋرالى وكق بريفينگىندە كولىك مينيسترلىگىنە قاراستى تەمىرجول جانە سۋ كولىگى كوميتەتىنىڭ ءتوراعاسى جانيبەك تايجانوۆ مالىمدەدى.
تايجانوۆتىڭ ايتۋىنشا، قازىرگى ۋاقىتتا 14 باعىتتا "تالگو" تيپىندەگى 14 پويىز ءجۇرىپ جاتىر — بارلىعى شامامەن 732 ۆاگون. 2023 جىلدان باستاپ قازاقستاندا بۇل ۆاگونداردىڭ ءوندىرىسى توقتاتىلعان.
"تالگو" ۆاگوندارى شىعارىلعان زاۋىت ساتىلىپ، ەندى Stadler ۆاگوندارىن ءوندىرىلىپ جاتىر. "تالگو" ۆاگوندارىن جاڭادان ساتىپ الۋ جوسپارلانباعان، قولدانىستاعى قۇرامدار پايدالانۋ مەرزىمى اياقتالعانعا دەيىن قىزمەت ەتەدى"، – دەدى كوميتەت ءتوراعاسى.
تايجانوۆتىڭ ايتۋىنشا، قازىرگى ۋاقىتتا وتاندىق وندىرىستەگى ۆاگونداردى ساتىپ الۋعا باسىمدىق بەرىلگەن. بۇگىندە قازاقستاندا ەكى زاۋىت – زيگ-100 جانە Stadler Kazakhstan جۇمىس ىستەيدى، ولار جاڭا پويىز قۇرامدارىن شىعارىپ جاتىر.