قازاقستان جويقىن جەر سىلكىنىستەرىنەن زارداپ شەككەن سيرياعا 50 توننا گۋمانيتارلىق كومەك جىبەرەدى دەپ حابارلايدى Almaty-akshamy.kz. Stan.kz اقپارات اگەنتتىگىنە سىلتەمە جاساپ.
9 اقپان بەيسەنبىدە پرەمەر-مينيستردىڭ ءبىرىنشى ورىنباسارى رومان سكلياردىڭ توراعالىعىمەن وتكەن حالىقارالىق گۋمانيتارلىق كومەك ماسەلەلەرى جونىندەگى كوميسسيانىڭ وتىرىسىندا سيرياعا كومەك بەرۋ تۋرالى شەشىم قابىلداندى.
«مەملەكەتتىك ماتەريالدىق رەزەرۆتەن كونسەرۆىلەر، جىلى كيىم، قىسقى شاتىرلار، كەرەۋەتتەر مەن توسەك-ورىن جابدىقتارى بولىنەدى. ول يسلام ىنتىماقتاستىعى ۇيىمىنىڭ جەلىسى بويىنشا الەپپو قالاسىنا ءتورت اۋە رەيسىمەن جىبەرىلەدى»، – دەلىنگەن حابارلامادا.
ۇكىمەت باسشىسىنىڭ باسپا ءسوز قىزمەتى سيرياعا گۋمانيتارلىق كومەك كورسەتۋ تۋرالى تاپسىرمانى قازاقستان پرەزيدەنتى قاسىم-جومارت توقايەۆ بەرگەنىن اتاپ ءوتتى.
وسىعان دەيىن سيرياعا گۋمانيتارلىق كومەك بەرىلەتىنى حابارلاندى.