«قازاقستان» شاحتاسىنداعى اپات ءۇشىن جاۋاپتى تۇلعا 7 جىلعا دەيىن تۇرمەگە قامالۋى مۇمكىن.
بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ ايتتى، دەپ حابارلايدى Almaty-akshamy.kz.
«بۇل توپتىق قايعىلى جايت سانالادى. قىلمىستىق كودەكسكە سايكەس، ەگەر سوت باسشىلىق شىنىمەن دە كىنالى دەپ تانىسا، وندا 7 جىلعا دەيىن قىلمىستىق جاۋاپكەرشىلىك قاراستىرىلعان»، - دەدى ول قاراعاندى وڭىرلىك كوممۋنيكاسيالار قىزمەتى الاڭىنداعى بريفينگتە.
ال قاراعاندى وبلىسى اكىمىنىڭ ءبىرىنشى ورىنباسارى ۆاديم باسين جاۋاپكەرشىلىك دەڭگەيىن سوت ايقىندايتىنىنا نازار اۋدارتتى.
«قايعىلى جايتتىڭ سەبەپتەرىن، قىزمەتكەرلەردىڭ ءولىمىن تەرگەۋ اياقتالعاننان كەيىن ماتەريال سوتقا بەرىلەدى جانە سوت جاۋاپكەرشىلىكتى ايقىندايدى. كوميسسيا ماتەريالدارىندا قاۋىپسىزدىك تەحنيكاسىن، لاۋازىمدىق نۇسقاۋلىقتى بۇزعان تۇلعانىڭ ىس-ارەكەتتەرى كورسەتىلەدى. مۇنى سوت ايقىندايتىن بولادى»، - دەدى وبلىس اكىمىنىڭ ءبىرىنشى ورىنباسارى.