قاراعاندى وبلىسىنداعى «قازاقستان» شاحتاسىندا قازا بولعان كەنشىنىڭ ءاتى-جونى انىقتالدى، دەپ حابارلايدى Almaty-akshamy.kz.
««قازاقستان» شاحتاسىنداعى ءورت سالدارىنان كومپانيا قىزمەتكەرى 1965 جىلى تۋعان سليۋنكوۆ ۆيتاليي ۆلاديميروۆيچ (جەراستى ەلەكتر سلەسارى، 5-سانات، ەڭبەك ءوتىلى 39 جىل). مارقۇمنىڭ وتباسىنا قايعىرا كوڭىل ايتامىز»، - دەلىنگەن «ارسەلورميتتال تەميرتاۋ» مالىمەتىندە.
قالعان جۇمىسشىلاردى ىزدەستىرۋ جالعاسىپ جاتىر.
«قازىرگى ۋاقىتتا جەلدەتۋدىڭ دۇرىس رەجيمىن قالپىنا كەلتىرۋ جانە كەنشىلەرىمىزدى ىزدەۋدى جالعاستىرۋ ءۇشىن ءورتتى وقشاۋلاۋ جۇمىستارى جۇزەگە اسىپ جاتىر. قۇتقارۋ قىزمەتتەرىنىڭ 12 بولىمشەسى جۇمىس ۇستىندە. مارقۇمنىڭ وتباسىنا قايعىرىپ كوڭىل ايتامىز، ولارعا بارىنشا قولداۋ كورسەتىلەدى»، - دەيدى «ارسەلورميتتال تەمىرتاۋ» اق اتقارۋشى ديرەكتورى ۆيكتور گافيۋلوۆ.
ايتىلىپ وتكەندەي، كومپانيا اپات سەبەپتەرىن تولىق تەرگەۋ ءۇشىن مەملەكەتتىك ورگاندارمەن بىرىگىپ جۇمىس ىستەپ جاتىر.