الەۋمەتتىك جەلىلەردە تاراعان اقپاراتقا قاتىستى پوليسيا تۇسىنىكتەمە بەردى.
قاراعاندى وبلىسى پد باسپا ءسوز قىزمەتى «قازاقستان» شاحتاسىنداعى ءورت قاساقانا بولۋى مۇمكىن دەگەن اقپاراتتى جوققا شىعاردى، دەپ حابارلايدى Almaty-akshamy.kz
پوليسەيلەر اتاپ وتكەندەي، بارلىق قاجەتتى تەرگەۋ شارالارى جۇرگىزىلۋدە، ءورتتىڭ شىعۋ سەبەبىن انىقتايتىن ءتيىستى ساراپتامالار تاعايىندالدى.
«وبلىس تۇرعىندارىن قاۋەسەت پەن ارانداتۋشىلىقتارعا بەرىلمەۋدى، تەك رەسمي اقپاراتقا سەنۋدى سۇرايمىز. جالعان اقپارات تاراتقانى ءۇشىن قازاقستان رەسپۋبليكاسى قىلمىستىق كودەكسىنىڭ 274-بابىنا سايكەس قىلمىستىق جاۋاپكەرشىلىككە تارتىلۋ ءقاۋپى بار»، - دەلىنگەن حابارلامادا.
17 تامىز كۇنى قاراعاندى وبلىسىنداعى «قازاقستان» شاحتاسىندا ءورت شىققان ەدى. اپات كەزىندە شاحتادا 227 قىزمەتكەر بولعان. اپاتتى جويۋ جوسپارىن دەرەۋ ەنگىزۋ ارقىلى 222 ادام شىعارىلدى. وكىنىشكە قاراي، جەر استىندا قالىپ قويعان 5 كەنشى قازا تاپتى.
پرەزيدەنت قاسىم-جومارت توقايەۆ ءورت سەبەبىن انىقتاۋ ءۇشىن جان-جاقتى تەرگەۋ جۇرگىزۋدى تاپسىردى.