گۇلميرا داۋلەتوۆا قازاقستان شاحمات فەدەراسياسىنىڭ جاڭا اتقارۋشى ديرەكتورى بولىپ تاعايىندالدى.
گۇلميرا داۋلەتوۆا ايەلدەر اراسىندا حالىقارالىق گروسسمەيستەر اتاعى بار، قازاقستاننىڭ بىرنەشە دۇركىن چەمپيونى، دۇنيەجۇزىلىك شاحمات وليمپياداسىنىڭ قولا جۇلدەگەرى. ونىڭ جەتىستىكتەرىنىڭ قورجىنىندا ازيا چەمپيوناتىنداعى التىن مەدال بار، دەپ حبارلايدى Almaty-akshamy.kz.
وسى جىلدار ىشىندە قازاقستان شاحمات فەدەراسياسىندا تۋرنير ديرەكتورى جانە اتقارۋشى ديرەكتوردىڭ ورىنباسارى قىزمەتتەرىن اتقاردى.
گۇلميرا سپورتتىق مانسابىندا شاحماتتى دامىتۋ سالاسىندا كوپتەگەن مەملەكەتتىك جانە حالىقارالىق فيدە (حالىقارالىق شاحمات فەدەراسياسى) ماراپاتتارىمەن ماراپاتتالعان، ازيا شاحمات فەدەراسياسىنىڭ ايەلدەر كوميسسياسىنىڭ ءتوراعاسى.
گۇلميرا - بۇگىندە مەكتەپتە وقيتىن 2-4 سىنىپتارعا ارنالعان «شاحمات» ادىستەمەلىك قۇرالدىڭ اۆتورى، مۇعالىمدەر مەن بالالاردى وقىتۋعا ارنالعان ونلاين پلاتفورما كۋرسىنىڭ ازىرلەۋشىسى.