بۇل ءوندىرىس 2 اي ىشىندە جۇزەگە اسىرىلعان.
رف ۇكىمەتىنىڭ ءتوراعاسى ميحايل ميشۋستين نۇر-سۇلتاندا وتكەن كەلىسسوزدەردە قازاقستانداعى «سپۋتنيك V» رەسەيلىك ۆاكسيناسىنىڭ ونەركاسىپتىك ءوندىرىسى تۋرالى ايتتى، دەپ حابارلايدى Almaty-akshamy.kz قاراعاندى فارماسيەۆتيكالىق كەشەنىنىڭ تەلەگرامداعى كانالىنا سىلتەمە جاساپ.
«ءبىز سىزدەرمەن بىرگە كوروناۆيرۋستىق ينفەكسيامەن كۇرەسىپ جاتىرمىز، قاراعاندى فارماسيەۆتيكالىق زاۋىتىندا رەسەيلىك «سپۋتنيك V» ۆاكسيناسىن بىرلەسىپ ءوندىرۋ جولعا قويىلدى. جىل باسىنان بەرى ۆاكسينانىڭ 5 ميلليون دوزاسى ءوندىرىلدى. حالىقتى جاپپاي يممۋنداۋ ادامداردىڭ دەنساۋلىعىن قورعاۋعا جانە ءبىزدىڭ ەلدەردە كوروناۆيرۋستىق ينفەكسيانى جەڭۋگە مۇمكىندىك بەرەتىنىنە سەنىمدىمىن»، — دەدى ميشۋستين.
2020 جىلدىڭ جەلتوقسان ايىندا رقاو مەن قازاقستان رەسپۋبليكاسىنىڭ دەنساۋلىق ساقتاۋ مينيسترلىگى قاراعاندى فارماسيەۆتيكالىق كەشەنىنىڭ قۋاتتىلىقتارىندا رەسەيلىك ۆاكسينا ءوندىرىسىن ىسكە قوستى. 2 اي ىشىندە جۇزەگە اسىرىلعان ءوندىرىستىڭ تەڭدەسسىز جىلدام رەتتەلۋى جارتى جىل ىشىندە پرەپاراتتىڭ 5،1 ملن دوزاسىن شىعارۋعا مۇمكىندىك بەردى.