ءماجىلىس قازاقستان مەن رەسەي اراسىنداعى كەلىسىمدى راتيفيكاسيالاۋ تۋرالى زاڭ جوباسىن قاراۋدى باستادى. بۇل كەلىسىمگە سايكەس، كوكشەتاۋ، سەمەي جانە وسكەمەن قالالارىندا جاڭا كومىرمەن جۇمىس ىستەيتىن بىرىكتىرىلگەن جىلۋ ەلەكتر ستانسيالارىن (جەو) سالۋ جوسپارلانعان، دەپ حابارلايدى aqshamnews.kz.
دەپۋتات ەدىل ءجاڭبىرشيننىڭ ايتۋىنشا، كەلىسىم ەكى ەلدىڭ جەو جوبالاۋدا، جابدىقتاردى جەتكىزۋدە، قۇرىلىس جۇرگىزۋدە جانە جاڭا ستانسيالاردى ىسكە قوسۋدا بىرگە جۇمىس ىستەۋىن كوزدەيدى.
«كەلىسىمدە جەڭىلدەتىلگەن قارجىلاندىرۋ مەحانيزمى انىقتالادى. جوبا قازاقستانعا رەسەيدىڭ مەملەكەتتىك ەكسپورتتىق نەسيەسىن ۇسىنۋدى قاراستىرادى»، — دەدى جاڭبىرشين پلەنارلىق وتىرىس بارىسىندا.
زاڭ جوباسى ەكولوگيا جانە تابيعات پايدالانۋ ماسەلەلەرى جونىندەگى كوميتەتكە جولداندى. كوميتەت ءوز قورىتىندىسىن دايىندايتىن بولادى. دەپۋتاتتار بۇل زاڭ جوباسىن قابىلداۋدى قولدادى.