قازاقستاننىڭ ساۋدا جانە ينتەگراسيا ءمينيسترى ارمان شاققالييەۆ پەن قىتايدىڭ كوممەرسيا ءمينيسترى ۆان ۆەنتاو ەكى ەل اراسىنداعى ساۋدا اينالىمىن 2030 جىلعا قاراي ەكى ەسەگە ۇلعايتۋدى تالقىلادى، دەپ حابارلايدى aqshamnews.kz
2024 جىلى تاۋار اينالىمى $43،8 ملرد بولدى (+9،2%)، ال 2025 جىلدىڭ قاڭتار–ماۋسىم ايلارىندا $21،8 ملرد-قا جەتتى.
قازاقستان قىتايعا ءوز تاۋارلارىنا يمپورتتىق باج سالىعىن تومەندەتۋدى جانە قىتايلىق ينۆەستيسيا ارقىلى شيكىزاتتى تەرەڭ وڭدەۋ جوبالارىن ىسكە قوسۋدى ۇسىندى. سونداي-اق كەدەندىك راسىمدەردى سيفرلاندىرۋ، ەلەكتروندى ساۋدانى دامىتۋ جانە قازاقستاندىق تاۋارلاردى قىتايلىق ونلاين-پلاتفورمالاردا كەڭىنەن ۇسىنۋ ماسەلەلەرى قارالدى.
تاراپتار ايماقتىق ىنتىماقتاستىقتى دا نازارعا الدى. 2024 جىلدان بەرى قىتايدىڭ نەگىزگى پروۆينسيالارىنا 6 ساۋدا ميسسياسى ۇيىمداستىرىلدى. جۇڭگو بۇل قادامدى قولداپ، ءوز كومپانيالارىنىڭ قازاقستانداعى ساۋدا جانە ينۆەستيسيالىق جوبالارعا قاتىسۋعا دايىن ەكەنىن جەتكىزدى.