قازاقستان-قىتاي شەكاراسىنداعى جۇرگىزىلىپ جاتقان تەكسەرۋلەر تاۋارلاردى كەدەندىك شەكارا ارقىلى زاڭدى تۇردە وتكىزۋگە كەدەرگى كەلتىرمەيدى.
بۇل تۋرالى ق ر قم مەملەكەتتىك كىرىستەر كوميتەتى حابارلادى. قازىرگى ۋاقىتتا مەملەكەت باسشىسىنىڭ تاپسىرماسى شەڭبەرىندە باس پروكۋراتۋرا، قارجى مونيتورينگى اگەنتتىگى جانە قارجى مينيسترلىگى وكىلدەرىنەن ارنايى قۇرىلعان جۇمىس توبى قازاقستان-قىتاي شەكاراسىندا تەكسەرۋلەردى جۇرگىزۋدە، دەپ حابارلايدى Almaty-akshamy.kz 24.kz-كە سىلتەمە جاساپ.
تەكسەرۋ تەك قانا ۋاكىلەتتى ەكونوميكالىق وپەراتورلار مارتەبەسى بار يمپورتتاۋشىلارعا قاتىستى جۇزەگە اسىرىلادى. تەكسەرۋ قورىتىندىسى بويىنشا قازاقستان رەسپۋبليكاسىنىڭ زاڭناماسىندا كوزدەلگەن شارالار قابىلداناتىن بولادى. جۇرگىزىل جاتقان تەكسەرۋلەر تاۋارلاردى كەدەندىك شەكارا ارقىلى زاڭدى تۇردە وتكىزۋگە كەدەرگى كەلتىرمەيدى جانە ادال بيزنەس سىرتقى ەكونوميكالىق قىزمەتتى شەكتەۋسىز جۇزەگە اسىرادى.
2021 جىلدىڭ قورىتىندىسى بويىنشا، نارىقتا قحر-مەن يمپورتتىق وپەراسيالاردى جۇزەگە اسىراتىن 7241 سىرتقى ەكونوميكالىق قىزمەتكە قاتىسۋشىلار جۇمىس ىستەيدى، ونىڭ ىشىندە 17 سۋبەكتى ۋەو بولىپ تابىلادى، ولارعا يمپورتتىڭ بارلىق كولەمىنىڭ 18% تيەسىلى. بۇل رەتتە 5 ۋەو – ءوز مۇقتاجدارى ءۇشىن ونىمدەردى يمپورتتايتىن وندىرىستىك سەكتور جانە 2 ۋەو كۆازيمەملەكەتتىك سەكتور («قازپوچتا» اق جانە «قتج» اق ەنشىلەس ۇيىمى – «KTZ Express» اق).
اتاپ ايتقاندا، سونداي-اق «KTZ Express» اق كەدەندىك وكىل جانە حالىقارالىق ەكسپەديتور بولىپ تابىلادى، قازاقستان-قىتاي شەكاراسىندا وزىندىك ينفراقۇرىلىمى بار. ورتالىق ازياداعى ەڭ ءىرى «KTZE-Khorgos Gateway» قۇرعاق پورتىمەن جۇمىس ىستەيدى، سونداي-اق KIF Warehouses ا سىنىپتى قويما بولمەلەرىنە يە. وپەراتوردىڭ باستى ارتىقشىلىعى – تاپسىرىس بەرۋشىلەر ءۇشىن دە، فيسكالدىق ورگاندار ءۇشىن دە اشىق قىزمەتى. جالپى قازاقستان-قىتاي شەكاراسىنداعى وتكىزۋ پۋنكتتەرى مەن تاۋارلاردى كەدەندىك تازارتۋدىڭ وزگە دە ورىندارى بەلگىلەنگەن جۇمىس رەجيمىنە سايكەس قىزمەت جاساۋىن جالعاستىرۋدا.