وزبەكستان رەسپۋبليكاسىنىڭ سامارقاند قالاسىندا ءورت-قۇتقارۋ سپورتىنان ەرلەر اراسىندا XVII، ايەلدەر اراسىندا VءىII الەم چەمپيوناتى سالتاناتتى جاعدايدا اشىلدى، دەپ حابارلايدى Almaty-akshamy.kz.
جارىسقا قازاقستان، وزبەكستان، بەلارۋس، ازەربايجان، قىرعىزستان، موڭعوليا، تاجىكستان، تۇركيا، رەسەي، يران، جۇڭگو حالىق رەسپۋبليكالارىنان 11 ۇلتتىق ەرلەر كومانداسىنىڭ قۇراماسى جانە قازاقستان، وزبەكستان، بەلارۋس ەلدەرى مەن رەسەي فەدەراسياسىنان 4 ۇلتتىق ايەلدەر كومانداسىنىڭ قۇراماسى قاتىسادى.
«ءبىزدىڭ ەلىمىزدىڭ نامىسىن ەرلەر مەن ايەلدەر كومانداسىنداعى الەمدىك دەڭگەيدەگى سپورتشىلار قورعايتىن بولادى. چەمپيونات اياسىندا ورتكە قارسى اۆاريالىق-قۇتقارۋ جابدىقتارىنىڭ حالىقارالىق كورمەسى، ءورتتى ءسوندىرۋ جانە الدىن الۋ سالاسىنداعى نانوتەحنولوگيالاردىڭ كورسەتىلىمى ۇيىمداستىرىلدى»، - دەپ جازدى تجم باسپا ءسوز قىزمەتىنەن.
بۇل ءىس-شارانىڭ ماقساتى - ءورت ءسوندىرۋشى جانە قۇتقارۋشى ماماندىعىن دارىپتەۋ، كاسىبي جانە سپورتتىق شەبەرلىكتى ارتتىرۋ، دوستىق بايلانىستاردى نىعايتۋ، ءتۇرلى ەلدەردىڭ ءورت ءسوندىرۋ-قۇتقارۋ قىزمەتتەرى اراسىنداعى ىنتىماقتاستىقتى نىعايتۋ جانە حالىقارالىق دەڭگەيدە ءورت ءسوندىرۋ-قۇتقارۋ سپورتىن ودان ءارى دامىتۋ.