قازاقستاننىڭ سپورت تاريحىندا تاعى ءبىر جارقىن جەتىستىك ورىن الدى. كانادادا وتكەن كونكيمەن جۇگىرۋدەن الەم بىرىنشىلىگىندە قازاقستان قۇراماسى كوماندالىق جارىس بويىنشا قولا مەدال يەلەندى، دەپ حابارلايدى Aqshamnews.kz.
جارىس بارىسىندا ەل نامىسىن قورعاعان قازاقستاندىق سپورتشىلار – كريستينا سيلايەۆا، داريا ۆاجەنينا جانە نادەجدا موروزوۆا جوعارى ناتيجەگە قول جەتكىزدى. ۇشتىكتىڭ ۇيلەسىمدى جۇمىسى، شەبەرلىگى مەن توزىمدىلىگى قازاقستان قۇراماسىنا جۇلدەلى ورىنعا كوتەرىلۋگە مۇمكىندىك بەردى.
بۇل جەتىستىك – قازاقستاننىڭ قىسقى سپورت تۇرلەرىندە دامىپ كەلە جاتقاندىعىنىڭ ايقىن دالەلى. ايتا كەتسەك، الەم بىرىنشىلىگىنە الەمنىڭ ۇزدىك سپورتشىلارى قاتىسىپ، جوعارى دەڭگەيدەگى باسەكەلەستىك كورسەتتى. سوعان قاراماستان، قازاقستان قۇراماسى قارسىلاستارىنىڭ اراسىنان ۇزدىك ۇشتىككە ەنىپ، ەل ابىرويىن تاعى ءبىر مارتە اسقاقتاتتى.