حالىقارالىق فۋتبول فەدەراسياسىنىڭ (FIFA) جاڭارتىلعان رەيتينگىندە قازاقستان قۇراماسى ءتورت ساتىعا تومەندەدى.
FIFA ءوز سايتىندا ەرلەر قۇرامالارىنىڭ الەمدىك رەيتينگىنىڭ جاڭا نۇسقاسىن جاريالادى. وزگەرىستەر كەزەكتى ويىنداردىڭ ناتيجەسىنە سايكەس ەنگىزىلدى، - دەپ حابارلايدى Aqshamnews.kz.
قازاقستان قۇراماسى سوڭعى جاڭارتۋدان بەرى 2026 جىلعى الەم چەمپيوناتىنىڭ ىرىكتەۋ كەزەڭىندە ەكى ماچ وتكىزدى:
قىركۇيەكتە ءوز الاڭىندا ۋەلسكە ەسە جىبەردى؛
سىرت الاڭدا بەلگيادان ويسىراي جەڭىلدى.
جاڭارتىلعان رەيتينگتە قازاقستاندىقتار ءتورت ساتىعا سىرعىپ، 118-ورىنعا ءتۇستى.
الەمدىك رەيتينگتە كوشباسشى اۋىستى. بۇعان دەيىنگى ليدەر ارگەنتينا ءۇشىنشى ورىنعا ءتۇسىپ قالدى. ءبىرىنشى ورىنعا يسپانيا كوتەرىلسە، ەكىنشى ورىنعا فرانسيا جايعاستى.