فۋتبولدان 2024 جىلعى ەۋروپا چەمپيوناتى ىرىكتەۋ ساتىسىنداعى جەتىنشى ويىندا قازاقستان ۇلتتىق قۇراماسىنىڭ جولى بولمادى.
قازاقستان قۇراماسى H توبىندا قازىرگە دەيىن 12 ۇپاي جيناپ، ءتورتىنشى ورىندا تۇرعان ەدى. ال ەكىنشى ورىنداعى دانيادا 13 ۇپاي بار بولاتىن.
العاشقى مينۋتتان دانيالىق فۋتبولشىلار جىلدام گول سوعۋعا ۇمتىلدى. دەگەنمەن ويىننىڭ 36-مينۋتىنا دەيىن ەسەپ اشىلعان جوق. العاشقى گولدى دانيالىق يوناس ۆيند سالىپ ءوز قۇراماسىن العا شىعاردى. ودان كەيىن روبەرت سكوۆ 45، 48-مينۋتتا ەسەپتى ۇلعايتتى.
ويىننىڭ 58-مينۋتىندا قازاقستاندىق رومان ۆوروگوۆسكيي ەسەپتى قىسقارتقانىمەن ۇلتتىق قۇراما دانياعا 1:3 ەسەبىمەن ەسە جىبەردى