استاناداعى جاقسىلىق ۇشكەمپىروۆ اتىنداعى جەكپە-جەك سارايىندا ءوتىپ جاتقان پارادزيۋدودان الەم چەمپيوناتىندا قازاقستان قۇراماسى العاشقى التىن مەدالىن جەڭىپ الدى
ەرەكشە وقيعا 81 كەلىگە دەيىنگى سالماق دارەجەسىندە، J2 ساناتىنداعى سپورتشىلار اراسىندا بولدى – فينالدا قوس قازاقستاندىق: بەكسۇلتان قۇلمىرزا مەن عالىمجان سماعۇل ۇلى كەزدەسىپ، تارتىستى بەلدەسۋ 3 مينۋت 11 سەكۋندقا سوزىلدى. جارىس قورىتىندىسىندا قۇلمىرزا جەڭىسكە جەتتى.
ايتا كەتەرلىگى، بۇل جۇلدە قوس سپورتشىنىڭ دا كاسىبي مانسابىنداعى العاشقىسى. مۇنداي "ۇيدەگى" فينال جانكۇيەرلەر ءۇشىن ۇلكەن قۋانىشقا اينالىپ قانا قويماي، قازاقستانداعى پارادزيۋدونى الەمدىك دەڭگەيدە مويىنداتا باستاعانىنىڭ نىشانى بولدى.