ماريان ۋردابايەۆا دجيۋ-دجيتسۋدان ازيادانىڭ قولا جۇلدەسىن جەڭىپ الدى
حانچجوۋدا ءوتىپ جاتقان جازعى ازيا ويىندارىندا دجيۋ-دجيتسۋدان ايەلدەر اراسىنداعى 63 كگ سالماقتا ەكى قازاق سپورتشىسى كۇرەسىپ، قولا جۇلدەگە تالاستى، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى.
ماريان ۋردابايەۆا پەن اجار سالىقوۆا اراسىنداعى جەكپە-جەك العاشقىسىنىڭ سەنىمدى جەڭىسىمەن اياقتالدى. ەسەپ: 7-0. وسىلايشا، قازاقستان دەلەگاسياسىنىڭ قورجىنىنا 70ء-شى، سونىڭ ىشىندەگى 42ء-شى قولا مەدال ءتۇستى.
ماريان بۇگىن ىرىكتەۋدە موڭعوليا جانە فيليپپين سپورتشىسىنان ايلاسىن اسىرعانىمەن، جارتىلاي فينالدا وڭتۇستىك كورەيادان كەلگەن قارسىلاسىنا 2-9 ەسەبىمەن جول جىبەردى.
ماريان ۋردابايەۆانى قازاق جانكۇيەرلەرى دزيۋدوشى رەتىندە دە جاقسى بىلەدى. ول 2010 جىلعى گۋانچجوۋداعى ازيادادا دزيۋدودان 70 كگ دەيىنگى سالماقتا ب ا ق سىناپ، قولا جۇلدە ءۇشىن بەلدەسۋدە قارسىلاسىنا ەسە جىبەرگەن. ال 2014 جىلى ينچحوندا جەكەلەي (63 كگ) جانە كوماندالىق سىندا قولا جۇلدەگە يە بولعان. تاجىريبەلى سپورتشى دزيۋدودان 2016 جىلعى ازيا چەمپيونى (تاشكەنت، 63 كگ)، 2 دۇركىن قولا جۇلدەگەرى (كۋۆەيتتە 2007 جانە 2015 جىلى).
ال دجيۋ-دجيتسۋدان الەم چەمپيوناتىندا 2 مارتە ۇزدىك ۇشتىكتى تۇيىندەپ، 2021 جىلى ابۋ-دابيدە وتكەن ازيا چەمپيوناتىندا كۇمىس مەدالگە يە بولعان.