ەلىمىزدىڭ ءار اۋماعىنداعى سەيسميكالىق بەلدەۋ ءارتۇرلى.
قازاقستانداعى ءىرى قالالاردىڭ سەيسميكالىق كارتاسى جاڭارتىلاتىن بولدى، دەپ حابارلايدى Almaty-akshamy.kz
بۇل تۋرالى حابارلاعان 24.kz سايتىنىڭ اقپاراتىنا سايكەس، مۇنداي كارتالار سوڭعى 20 جىلدا مۇلدە جاڭارتىلماعان. سوندىقتان سالانى زەرتتەپ جۇرگەن عالىمدار بىرنەشە جىلعا ارنالعان ءىستى قولعا الدى.
عىلىمي جوبا نەگىزىندە 6 باللعا دەيىن بولاتىن جەراستى دۇمپۋلەرىن مەحانيكالىق جولمەن ەسەپتەۋ ارقىلى بولجام جاسالادى. جەر سىلكىنسى بولاتىن اۋماقتاردى انىقتايدى. وسكەمەننىڭ وزىنە 10 جانە قالا سىرتىنا 10 قۇرىلعى قويىلدى. ولار 30-40 مەتر تەرەڭدىكتە بولاتىن ءتۇرلى تولقىننان حابار بەرەدى. جەر بەدەرىنە تيگىزەتىن اسەرى ارنايى زەرتحانادا ەسەپتەلەدى. عىلىمي جۇمىستىڭ ناتيجەسى قۇرىلىس سالۋدا نەگىزگە الىنادى.