ارنايى جارلىققا قول قويىلدى.
قازاقستان پرەزيدەنتى قاسىم-جومارت توقايەۆ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىن بەكىتۋ ماقساتىندا ارنايى قاۋلىعا قول قويدى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسىنىڭ 2022 جىلعى 16 ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ ماقساتىندا قاۋلى ەتەمىن:
- قوسا بەرىلىپ وتىرعان مەملەكەت باسشىسىنىڭ 2022 جىلعى 16 ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارى (بۇدان ءارى – جالپىۇلتتىق جوسپار) بەكىتىلسىن.
- قازاقستان رەسپۋبليكاسىنىڭ ۇكىمەتى:
1) جالپىۇلتتىق جوسپار ءىس-شارالارىنىڭ مۇلتىكسىز جانە ۋاقتىلى ورىندالۋىن، سونداي-اق مەملەكەت باسشىسىنىڭ 2022 جىلعى 16 ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىنىڭ ەرەجەلەرى بويىنشا ءاقپاراتتىق-تۇسىندىرۋ جۇمىسىن جۇيەلi نەگiزدە جۇرگiزۋدi قامتاماسىز ەتسiن؛
2) ەسەپتى جىلدان كەيىنگى جىلدىڭ 25 قاڭتارىنا دەيىن قازاقستان رەسپۋبليكاسى پرەزيدەنتىنىڭ اكىمشىلىگىنە جالپىۇلتتىق جوسپاردىڭ ورىندالۋ بارىسى تۋرالى اقپارات ۇسىنسىن.
- قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ، ورتالىق جانە جەرگىلىكتى اتقارۋشى ورگانداردىڭ، باسقا دا مەملەكەتتىك ورگانداردىڭ ءبىرىنشى باسشىلارى جالپىۇلتتىق جوسپار ءىس-شارالارىنىڭ مۇلتىكسىز جانە ۋاقتىلى ورىندالۋىن قامتاماسىز ەتسىن.
- وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
- وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقايەۆ
نۇر-سۇلتان، اقوردا، 2022 جىلعى 29 ناۋرىز № 847