پەلە ءارقاشان فۋتبولعا دەگەن ادالدىقتىڭ سيمۆولى بولىپ قالا بەرەدى.
قاسىم-جومارت توقايەۆ داڭقتى فۋتبولشى، ءۇش دۇركىن الەم چەمپيونى پەلەنىڭ قايتىس بولۋىنا بايلانىستى برازيليا پرەزيدەنتى جاير بولسونارۋعا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى فۋتبول تاريحىنداعى ۇلى سپورتشىلاردىڭ ءبىرى رەتىندە ونىڭ فۋتبولدى بۇكىل الەمگە تانىتۋعا زور ۇلەس قوسقانىن اتاپ ءوتتى.
پرەزيدەنتتىڭ ايتۋىنشا، پەلە ءارقاشان فۋتبولعا دەگەن ادالدىقتىڭ سيمۆولى ءارى جانكۇيەرلەردىڭ سۇيىكتى فۋتبولشىسى بولدى جانە سولاي بولىپ قالا بەرەدى. سونداي-اق ول سپورتتىڭ وسى ءتۇرىن ەڭ جوعارى دەڭگەيگە كوتەردى.