پرەزيدەنتتەر كەلەسى جىلى جوعارى دەڭگەيدە كەزدەسۋ وتكىزۋگە ۋاعدالاستى.
مەملەكەت باسشىسى پرەزيدەنت يلحام الييەۆتى 60 جاسقا تولعان مەرەيتويىمەن قۇتتىقتاپ، ونىڭ جاۋاپتى مەملەكەتتىك قىزمەتىنە تابىس، باۋىرلاس ازەربايجان حالقىنا باق-بەرەكە تىلەدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
قاسىم-جومارت توقايەۆ يلحام الييەۆتىڭ قازاق-ازەربايجان كوپجاقتى ىنتىماقتاستىعىن نىعايتۋعا قوسقان جەكە ۇلەسىن جوعارى باعالاپ، ەكى ەل اراسىنداعى ستراتەگيالىق سەرىكتەستىكتى ودان ءارى دامىتۋدىڭ ماڭىزدى ەكەنىن اتاپ ءوتتى.
قاسىم-جومارت توقايەۆ پرەزيدەنت يلحام الييەۆتىڭ ابىرويلى باسشىلىعىمەن ءازىربايجاننىڭ الەۋمەتتىك-ەكونوميكالىق دامۋ ىسىندە جانە حالىقارالىق ارەنادا تولاعاي تابىسقا جەتكەنىن ايتتى.