ۆەدومستۆوارالىق مەموراندۋم مەن بيزنەس كەلىسىمشارتتارعا قول قويىلماق
2023 جىلعى 26 ساۋىردە قازاقستان پرەمەر-مينيسترى ءاليحان سمايىلوۆتىڭ يران يسلام رەسپۋبليكاسىنا ساپارى وتەدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل ساپار يران جاعىنىڭ شاقىرۋى نەگىزىندە ۇيىمداستىرىلماق.
«ساپار باعدارلاماسىنا سايكەس، يران پرەزيدەنتى يبراحيم رايسيمەن جانە يراننىڭ ءبىرىنشى ۆيسە-پرەزيدەنتى موحامماد موحبەرمەن كەزدەسۋلەر جوسپارلانعان»، - دەدى ا. سمادياروۆ ەلوردادا وتكەن باسپا ءسوز ءماسليحاتىندا.
ونىڭ ايتۋىنشا، ساپار اياسىندا يران يسلام رەسپۋبليكاسىنا قازاقستاننىڭ ساۋدا-ەكونوميكالىق ميسسياسى ۇيىمداستىرىلادى. سونىمەن قاتار ءبىرقاتار ۆەدومستۆوارالىق مەموراندۋم مەن بيزنەس كەلىسىمشارتتارعا قول قويىلماق.