جارىستا 70 ەلدەن ويىنشىلار قاتىستى
ول نيدەرلاندتىڭ روتتەردام پورت قالاسىندا پوليسەيلەر مەن ءورت سوندىرۋشىلەردىڭ دۇنيەجۇزىلىك ويىندارىنا قاتىستى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
10 كۇن بويى قالادا سپورتتىق جارىستار ءوتىپ، وعان 70 ەلدەن 10 مىڭنان استام قاتىسۋشى، ونىڭ ىشىندە قازاقستان وكىلدەرى دە قاتىستى. قاتىسۋشىلار سپورتتىڭ ءارتۇرلى تۇرلەرىنەن، سونىڭ ىشىندە بوكس، كروسسفيت، جەڭىل اتلەتيكا بويىنشا جارىستى.
بوكستان 86 كەلىگە دەيىنگى سالماقتا ساكەن قۇسايىنوۆ ەكىنشى ورىندى يەلەندى. ەلوردالىق پوليسيا دەپارتامەنتىنىڭ 34 جاستاعى ۆزۆود كومانديرى ىشكى ىستەر ورگاندارىندا 2005 جىلدان بەرى قىزمەت ەتىپ كەلەدى. پوليسەي-سپورتشى 9 جاستان باستاپ بوكسپەن اينالىسادى. بوكستان حالىقارالىق دارەجەدەگى سپورت شەبەرى، بىرنەشە رەت ق ر چەمپيوناتتارى مەن ءتۇرلى حالىقارالىق تۋرنيرلەردىڭ جەڭىمپازى.
«بۇل جەڭىستى مەن قازاقستان پوليسياسىنىڭ 30 جىلدىق مەرەيتويىنا، سونداي-اق اتا-اناما، وتباسىما جانە جاقىندارىما ارنايمىن»، – دەدى ساكەن.