قازاقستاننىڭ ەلەكتروندىق قۇجاتتاندىرۋ جۇيەسى بىرنەشە ەلدە ءساتتى جۇمىس ىستەپ جاتىر
2022 جىلدىڭ 1 ماۋسىمىنان باستاپ تۇركيا اۋماعىندا «ق ر شەگىنەن تىس جەرلەردە تۇراتىن ق ر ازاماتتارىنا پاسپورتتاردى راسىمدەۋ» مەملەكەتتىك قىزمەتتى ەلەكتروندىق فورماتقا كوشىرۋ بويىنشا «پيلوتتىق جوباسى» باستالدى، دەپ حابارلايدى Almaty-akshamy.kz.
ق ر سىرتقى ىستەر مينيسترلىگى باسپا ءسوز قىزمەتىنىڭ حابارلاۋىنشا، اتالعان جوبا ق ر سىرتقى جانە ىشكى ىستەر مينيسترلىكتەرىمەن پرەزيدەنت قاسىم-جومارت توقايەۆتىڭ جولداۋىن ىسكە اسىرۋ شەڭبەرىندە جۇزەگە اسىرىلىپ جاتىر جانە قازاقستاننىڭ انكارا، ىستانبۇل جانە انتاليا قالالارىنداعى شەتەلدىك مەكەمەلەرىنە جۇگىنگەن قازاقستان ازاماتتارىنا پاسپورتتى 80 كۇننىڭ ورنىنا 30 كۇن ىشىندە الۋعا مۇمكىندىك بەرەدى.
بۇگىنگى تاڭدا ەلەكتروندىق قۇجاتتاندىرۋ جۇيەسى قازاقستاننىڭ بىرىككەن اراب امىرلىكتەرى (ءابۋ-دابي، دۋباي قالالارى)، گەرمانيا (بەرلين، ماينداعى فرانكفۋرت، ميۋنحەن، گاننوۆەر قالالارى)، كورەيا رەسپۋبليكاسى (سەۋل ق.)، رەسەي (ماسكەۋ ق.)، اقش (ۆاشينگتون، نيۋ-يورك، سان-فرانسيسكو قالالارى)، وزبەكستان (تاشكەنت ق.) مەن جاپونياداعى (توكيو ق.) شەتەلدىك مەكەمەلەرىندە ءساتتى جۇمىس ىستەيدى.