قازاقستاندىق ماماندار ورتالىق ازيا ەلدەرىنەن كەلگەن مەملەكەتتىك قىزمەتكەرلەرگە ەلەكتروندىق ۇكىمەتتى ۇيرەتتى.
ەلىمىزدەگى حالىقارالىق دامۋ اگەنتتىگى "دوستىق – سيفرلاندىرۋ" باعدارلاماسىن ۇيىمداستىرعان. ءدارىس ساعاتتارىندا قىرعىزستان مەن تاجىكستان، وزبەكستان مەن تۇرىكمەنستاننان كەلگەن تىڭداۋشىلار “EGOV” پورتالىنىڭ تاجىريبەسىن زەرتتەيدى، دەپ حابارلايدى Almaty-akshamy.kz.
مەملەكەتتىك قىزمەت تۇرلەرىن وڭتايلاندىرىپ، زاماناۋي تەحنولوگيالاردى ءتيىمدى پايدالانۋعا باعىتتالعان سەمينار 5 كۇنگە جالعاسادى. وقىتۋشىلار قاتارىنداعى وتاندىق مامانداردان بولەك سينگاپۋر مەملەكەتتىك قىزمەت كوللەدجىنىڭ پروفەسسورى دا تاجىريبەسىمەن بولىسەدى.
«تاجىكستان رەسپۋبليكاسىندا ءقازىر ەلەكتروندى ۇكىمەت باعدارلاماسىن ەنگىزۋ جۇمىستارى وتە بەلسەندى. ەكى جىل ىشىندە سيفرلىق باسقارۋ جۇيەسىنە تولىقتاي كوشۋ تۋرالى پرەزيدەنتتىڭ جارلىعى بار. سوندىقتان مەن ءبىرىنشى كەزەكتە ەلەكتروندىق ۇكىمەت قىزمەتىنىڭ قىر-سىرىن ۇيرەتۋدى ءوتىندىم»، - سەمينارعا قاتىسۋشى (دۋشانبە) باحروم مانسۋروۆ.