بۇل - تاريحي وقيعا.
2 جەلتوقساندا كانكۋن قالاسىندا نوتاريۋستاردىڭ حالىقارالىق كونگرەسى ءوتتى. رەسمي راسىمدە تۋدى كوتەرىپ، انت قابىلداۋمەن قاتار، قازاقستاندىق نوتاريات حالىقارالىق نوتاريات وداعىنىڭ تولىق قۇقىلى مۇشەسى اتاندى، دەپ حابارلايدى Almaty-akshamy.kz.
"بۇل - تاريحي وقيعا، سەبەبى قازاقستاندىق نوتاريۋستاردىڭ حنو-نا كىرۋى ۇزاق كەلىسسوزدەر مەن نوتارياتتىق زاڭنامانى حالىقارالىق ستاندارتتارعا سايكەستەندىرۋ جۇمىستاردىڭ ارقاسىندا جۇزەگە استى. ايتا كەتەيىك، 2003 جىلى قازاقستان حالىقارالىق نوتاريات وداعىنىڭ قۇرامىنا كىرۋگە ءوتىنىش بەردى"، - دەلىنگەن ادىلەت مينيسترلىگىنىڭ رەسمي سايتىندا.
قازاقستاننىڭ بۇل ۇيىمعا مۇشە بولۋى وتاندىق نوتاريۋستارعا كاسىبي تاجىريبە الماسۋعا، قازاقستاندا جاسالعان نوتارياتتىق ارەكەتتەردى شەتەلدە تانۋعا، سونداي-اق، حالىقارالىق كوللەگيالارعا قاتىسۋعا مۇمكىندىك بەرەدى. ەلىمىزدىڭ ادىلەت مينيسترلىگى رەسپۋبليكالىق نوتارياتتىق پالاتامەن بىرلەسىپ، وسى سالاداعى قىزمەت ساپاسىن حالىقارالىق ستاندارتتارعا جەتكىزۋ ماقساتىندا كوپ جىلدار بويى ۇلتتىق زاڭنامانى جەتىلدىرىپ كەلەدى.
حالىقارالىق نوتاريات وداعىنىڭ مۇددەلەرى بۇۇ-دا، يۋنەسكو-دا، حالىقارالىق جەكە قۇقىق جونىندەگى گااگا كونفەرەنسياسىندا، ەۋروپالىق كوميسسيا مەن ەۋروپالىق پارلامەنتتە، ەۋروپا كەڭەسىندە جانە باسقا دا حالىقارالىق ۇيىمداردا ۇسىنىلعان.
رەسمي شاراعا ادىلەت ءمينيسترى قانات مۋسين مەن رەسپۋبليكالىق نوتارياتتىق پالاتانىڭ ءتورايىمى اسەل ءجانابىلوۆا قاتىستى.