كاسپيي قۇبىر كونسورسيۋمىنىڭ قۇبىر جۇيەسىنە زاقىمداندى
كاسپيي قۇبىر كونسورسيۋمىنىڭ قۇبىر جۇيەسىنە زاقىم كەلۋىنە بايلانىستى قازاقستان مۇناي ەكسپورتىن بالامالى باعىتتار بويىنشا ۇلعايتۋ مۇمكىندىكتەرىن پىسىقتاپ جاتىر، دەپ حابارلايدى Almaty-akshamy.kz.
بۇل تۋرالى ق ر ەنەرگەتيكا مينيسترلىگى باسپا ءسوز قىزمەتى مالىمدەدى. ق ر ەنەرگەتيكا مينيسترلىگى مالىمەتىنشە، نوۆوروسسييسك اۋماعىندا قاتتى داۋىل بولىپ، بۇل كاسپيي قۇبىر كونسورسيۋمى تەرمينالى جۇمىسىنا اسەر ەتكەن.
كقك اقپاراتىنا قاراعاندا، بيىلعى 22 ناۋرىزداعى كەزەكتەن تىس تەكسەرۋ بارىسىندا ارنايى ءۇشىنشى جابدىقتىڭ تىرەگى ورنىنان جىلجىپ كەتكەن، سونداي-اق ارنايى ەكىنشى جابدىقتىڭ جۇيەسىنە زاقىم كەلگەنى بەلگىلى بولدى. وسىعان بايلانىستى كقك ءتيىستى جوندەۋ جۇرگىزۋ ءۇشىن اتالعان جابدىقتاردىڭ جۇمىسىن ۋاقىتشا توقتاتا تۇرۋ تۋرالى شەشىم قابىلدادى.
«قازىرگى ۋاقىتتا ەنەرگەتيكا مينيسترلىگى كاسپيي قۇبىر كونسورسيۋمىمەن تەڭىز تەرمينالىنىڭ جۇمىسىن قالپىنا كەلتىرۋ مەرزىمدەرى بويىنشا كونسۋلتاسيالار وتكىزىپ جاتىر. بۇل رەتتە مۇناي ەكسپورتىن بالامالى باعىتتار بويىنشا ۇلعايتۋ مۇمكىندىكتەرى پىسىقتالىپ جاتىر»، - دەلىنگەن ق ر ەنەرگەتيكا مينيسترلىگى اقپاراتىندا.