وعان پەداگوگيكالىق جوعارى وقۋ ورىندارىنىڭ ستۋدەنتتەرى دە قاتىسا الادى.
قازاقستان ۇستازدارى ونلاين كۋرستارعا قاتىسۋعا مۇمكىندىك الدى، دەپ حابارلايدى Almaty-akshamy.kz.
ءبىلىم جانە عىلىم مينيسترلىگىنىڭ باسپا ءسوز قىزمەتىنىڭ مالىمەتى بويىنشا، ونلاين-كۋرستار 2 تامىزدا باستالىپ، 31 قازانعا دەيىن جالعاسادى. وعان پەداگوگيكالىق جوعارى وقۋ ورىندارىنىڭ ستۋدەنتتەرى دە قاتىسا الادى.
«پاندەميا جاعدايىندا مۇعالىمدەردىڭ ءرولى، قوعامداعى ورنى مەن ەڭبەگى ودان ءارى ايقىندالا ءتۇستى. سيفرلاندىرۋ زامانىندا مۇعالىمدەردىڭ ءىت قۇزىرەتتىلىكتەرىن ارتتىرۋ قاجەت. كۋرس پەداگوگتەردىڭ سيفرلىق داعدىلارىن جەتىلدىرۋگە باعىتتالعان. كۋرس باعدارلاماسى ەۋروپالىق ءبىلىم قورىمەن بىرلەسىپ ازىرلەندى. ەبق ساراپشىسى بەينەپەداگوگيكا نەگىزدەرى بويىنشا سەسسيا وتكىزىپ، بەينەماتەريالدار جاساۋ بويىنشا ءوز ادىستەمەسىمەن بولىسەدى. كۋرس ءبىلىم جانە عىلىم مينيسترلىگىنىڭ www.edu.kz پلاتفورماسىندا ورنالاستىرىلادى. سونداي-اق Microsoft Kazakhstan، Bilim Media Group جانە Kundelik وقىتۋ كۋرسى اياسىندا پەداگوگتەرگە ارنالعان بەينەدارىستەر ازىرلەدى»، – دەدى ق ر بعم «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ باسقارما ءتورايىمى اسەل مۇحامەتجانوۆا.
قازاقستاندىق مۇعالىمدەر فينليانديا مەن وڭتۇستىك كورەيانىڭ ءبىلىم بەرۋ پروسەسىنە يننوۆاسيالىق تەحنولوگيالاردى ينتەگراسيالاۋ تاجىريبەسىمەن تانىسادى. كۋرستاردا سيفرلىق ءبىلىم بەرۋ تەحنولوگيالارىن پايدالانا وتىرىپ، پەداگوگتەردى ساباقتى جوبالاۋ ادىستەمەلەرىنە ۇيرەتەدى. سونداي-اق پەداگوگتەر ActivStudio، Pictochart، Jamboard، Prezi، Flippity ساندىق باعدارلامالارىن كاسىبي تۇردە مەڭگەرىپ، ۇلتتىق ءبىلىم بەرۋ دەرەكقورىنىڭ رەسۋرستارىن پايدالانۋدى ۇيرەنەدى.
قازاقستاننىڭ ءبىلىم جانە عىلىم مينيسترلىگى قوسىمشا ءبىلىم بەرۋ پەداگوگتەرى ءۇشىن دە كۋرستار ۇيىمداستىرىپ، قازىرگى تاڭدا 2000-عا جۋىق پەداگوگ بىلىكتىلىگىن ارتتىردى. ولار ءۇشىن جەتەكشى عالىمداردىڭ، وقىتۋشىلاردىڭ جانە پراكتيك-پەداگوگتەردىڭ ارنايى شەبەرلىك ساعاتتارى ۇيىمداستىرىلدى.
«كۋرستىڭ ءاربىر قاتىسۋشىسى ءوز تاجىريبەسىن باسقالاردىڭ ناتيجەلەرىمەن سالىستىرۋعا، ءوزىنىڭ اتقارعان جۇمىسىنىڭ باعاسىن بىلۋگە، سونداي-اق ارىپتەستەرىنىڭ، عالىمداردىڭ، ادىسكەر-پراكتيكتەردىڭ كەڭەستەرى مەن ۇسىنىمدارىن تىڭداۋعا مۇمكىندىك الدى. بىلىكتىلىكتى ارتتىرۋ كۋرستارى پەداگوگتەردى جەتىلدىرۋگە كومەكتەسىپ، ولاردىڭ كاسىبي قارىم-قاتىناس اياسىن كەڭەيتەدى»، – دەپ اتاپ ءوتتى ق ر بعم رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ديرەكتورى رايسا شەر.