ءموبيلدى قوسىمشانى PlayMarket پەن AppStore دۇكەندەرىنەن تەگىن جۇكتەۋگە بولادى.
قازاقستان ۇلتتىق بانكى حالىق اراسىندا مونەتا ونىمدەرىن كەڭىنەن ناسيحاتتاۋ ءۇشىن 2022 جىلى "قازاقستان مونەتالارى" ءموبيلدى قوسىمشاسىن قولدانىسقا ەنگىزدى، دەپ حابارلايدى Almaty-akshamy.kz
"ءموبيلدى قوسىمشا سيركۋلياسيالىق، كوللەكسيالىق جانە ينۆەستيسيالىق مونەتالاردىڭ ەلەكتروندىق كاتالوگى تۇرىندە ازىرلەندى. وندا قۇب شىعارعان بارلىق مونەتاعا قاتىستى اقپارات توپتاستىرىلعان. قوسىمشادا ءار سەريا بويىنشا شىعارىلعان مونەتالاردىڭ قىسقاشا سيپاتتاماسىمەن تاقىرىپتىق بولىمدەر قامتىلىپ وتىر. كەيبىر جەكەلەگەن مونەتالار تۋرالى ۆيدەوروليكتەرگە، مونەتالاردىڭ 3D-كەسكىنىنە، سونداي-اق تولىقتىرىلعان شىنايىلىق ەلەمەنتتەرىنە سىلتەمە بەرىلگەن"، – دەپ حابارلادى باس بانك.
ءموبيلدى قوسىمشادا ارنايى وپسيا بار. سونىڭ كومەگىمەن پايدالانۋشى ءوزىنىڭ ەلەكتروندىق بازاسىن جاساي الادى. بۇل – قولدا بار مونەتالاردىڭ قاعازداعى ەسەبىنىڭ ءتيىمدى بالاماسى.
"كوللەكسيالىق مونەتالار بۇرىنعىشا قۇب ينتەرنەت-دۇكەنى ارقىلى ساتىلاتىنىن اتاپ وتەمىز. ءموبيلدى قوسىمشا قازاقستاننىڭ نۋميزماتيكا تاريحىنان سىر شەرتىپ، ءتۇرلى داۋىرلەر مەن كەزەڭدەردەگى ساۋلەت جانە مادەني ەسكەرتكىشتەرمەن، ماڭىزدى تاريحي وقيعالارمەن، قازاق حالقىنىڭ كورنەكتى قايراتكەرلەرىمەن، باي مادەنيەتىمەن جانە داستۇرىمەن تانىسۋعا مۇمكىندىك بەرەدى. قۇب كوللەكسيالىق مونەتالاردى شىعارا وتىرىپ، قازاقستاندى، تۇمسا تابيعاتتىڭ سۇلۋلىعىن، حالقىنىڭ ءداستۇرى مەن باي تاريحىن تانىستىرادى. مونەتا ءوندىرىسىنىڭ زاماناۋي جەتىستىكتەرى مەن مامانداردىڭ كاسىبي شەبەرلىگىن پاش ەتەدى"، – دەپ حابارلادى باس بانك.