وسى جىلدىڭ باسىنان بەرى ەلىمىزدە ينتەرنەت جىلدامدىعى 62 پايىزعا ارتتى. بۇل جايىندا تەلەكوممۋنيكاسيا نارىعىن دەمونوپوليزاسيالاۋ ماسەلەلەرى تالقىلانعان Menmedia.kz كروسس-مەدياپلاتفورماسىندا بەلگىلى بولدى، دەپ حابارلايدى اlmaty-akshamy.kz
«Finprom.kz ساراپتامالىق پروتالىنىڭ مالىمەتىنە سايكەس، قازاقستان ءموبيلدى ينتەرنەت جىلدامدىعى بويىنشا جاھاندىق رەيتينگتە 80-ورىندا تۇر. جىل باسىنان بەرى ەلىمىزدە ينتەرنەت جىلدامدىعى 62،6 پايىزعا ارتتى. ورتالىق ازيا ەلدەرى ىشىندە قازاقستان ءموبيلدى ينتەرنەت جىلدامدىعى بويىنشا كوش باسىندا كەلەدى. ال ranking.kz ساراپتاما پورتالى بۇكىل الەمدە ينتەرنەت قوسىلۋىنىڭ جىلدامدىعى مەن ونىمدىلىگىن تەكسەرەتىن Speedtest Global Index مالىمەتتەرىنە سۇيەنە وتىرىپ، قازاقستاندا ءبىر جىل ىشىندە بەكىتىلگەن ينتەرنەتتىڭ ورتاشا جىلدامدىعى سەكۋندىنا 50،74 مبيت-تەن 2021 جىلدىڭ قازانىندا 62،04 مبيتكە-دەيىن ارتقانىن اتاپ وتەدى. بۇل دا - ورتالىق ازيا ەلدەرى ىشىندەگى ەڭ جوعارى كورسەتكىش سانالادى»، - دەدى ۇلتتىق كوممۋنيكاسيالار جانە سيفرلاندىرۋ قاۋىمداستىعىنىڭ ۆيسە-پرەزيدەنتى جانات اسانتايەۆا.
ونىڭ دەرەگىنشە، وتكەن جىلى قازاقستاندىق بايلانىس وپەراتورلارى 1 ترلن تەڭگەدەن استام پايدا تاپتى.
«نارىق العاش رەت 1 ترلن تەڭگەلىك بەلگىدەن اسىپ ءتۇستى. ۇلتتىق ستاتيستيكا بيۋروسىنىڭ مالىمەتتەرىنە سايكەس، 2021 جىلدىڭ قاڭتار-جەلتوقسانىندا تەلەكوممۋنيكاسيا نارىعىنىڭ كولەمى 2020 جىلمەن سالىستىرعاندا 12،9 پايىزعا ءوستى»، - دەدى ول.