كولىك ۆيسە-مينيسترى ءساتجان ابلالييەۆ پارلامەنت سەناتىندا قازاقستان رەسپۋبليكاسى مەن تۇركيا رەسپۋبليكاسىنىڭ ۇكىمەتتەرى اراسىنداعى جۇكتەردى حالىقارالىق قۇراما تاسىمالداۋ تۋرالى كەلىسىمدى راتيفيكاسيالاۋ تۋرالى زاڭ جوباسىن ۇسىندى.
زاڭ جوباسى ءارتۇرلى كولىك ءتۇرىن پايدالانا وتىرىپ، جۇك تاسىمالدارىن جەڭىلدەتۋگە جانە قازاقستان مەن تۇركيا اراسىنداعى ساۋدا-ەكونوميكالىق ىنتىماقتاستىقتى دامىتۋعا باعىتتالعان. كەلىسىمدى راتيفيكاسيالاۋ ەكى ەل اراسىندا اۆتوموبيل، تەمىرجول جانە سۋ كولىگىمەن ورىندالاتىن جۇكتەردى تاسىمالداۋ كولەمىن ۇلعايتۋعا مۇمكىندىك بەرەدى، دەپ حابارلايدى Almaty-akshamy.kz ق ر كولىك مينيسترلىگىنە سىلتەمە جاساپ.
كولىك ءمينيسترىنىڭ ورىنباسارىنىڭ ايتۋىنشا، اتالعان قۇجات كاسپيي تەڭىزىندە تۇراقتى تەمىرجول-پارومدىق وپەراسيالاردى، مەملەكەتتەردى قوساتىن تەمىرجول جەلىلەرىندە، اتاپ ايتقاندا حالىقارالىق كونتەينەرلىك بلوك-پوەزدار ءۇشىن ءتيىستى بايلانىستار مەن ترانزيتتىك قىزمەتتەر كورسەتۋدى كوزدەيدى، سونداي-اق كەدەندىك رەسىمدەۋ ەرەجەلەرىن ەسكەرە وتىرىپ، ەكى ەل اراسىندا جۇكتەردى تاسىمالداۋ شارتتارىن ايقىندايدى.
«قازىرگى ۋاقىتتا ءبىز ارالاس ترانسكاسپيي حالىقارالىق كولىك باعىتى ارقىلى قىتايدان ەۋروپاعا جۇكتەردى جەتكىزۋ مەرزىمدەرىن قىسقارتۋ بويىنشا جۇمىس جۇرگىزىپ جاتىرمىز. وعان تەمىرجول، اۆتوموبيل جانە سۋ كولىگى قاتىسادى. ءقازىردىڭ وزىندە مارشرۋت بويىنشا جۇكتەردى وتكىزۋ جانە تاۋارلاردى جەتكىزۋ مەرزىمى 19-23 كۇنگە دەيىن قىسقارتىلدى، ونىڭ ىشىندە 6 كۇن - قازاقستان اۋماعى بويىنشا. بۇل وتكەن جىلمەن سالىستىرعاندا 2 ەسە جىلدام. بۇل كەلىسىم ترانسكاسپيي حالىقارالىق كولىك باعىتىنىڭ دامۋىنا اسەر ەتەدى»، – دەدى س.ابلالييەۆ.
ول كەلىسىمدى ورىنداۋ بارىسىنداعى ماسەلەلەردى رەتتەۋ ءۇشىن تاسىمالداۋدى دامىتۋ جونىندەگى بىرلەسكەن كوميتەت قۇرىلاتىنىن ايتتى. ونىڭ باستى مىندەتى ترانزيتتىك تاسىمالداردىڭ جىلدامدىعى مەن ساپاسىن ارتتىرۋ بولادى.
كولىك مينيسترلىگىنىڭ مالىمەتىنشە، كەلىسىمدى راتيفيكاسيالاۋ بويىنشا جۇمىستار قازىرگى ۋاقىتتا تۇركيا ەلىندە دە جۇرگىزىلىپ جاتىر.