تۋريزم جانە سپورت ءمينيسترى ەربول مىرزابوسىنوۆ تۇركى مەملەكەتتەرى ۇيىمىنىڭ باس حاتشىسى كۋبانىچبەك ومىرالييەۆپەن كەزدەستى، دەپ حابارلايدى aqshamnews.kz.
كەزدەسۋ بارىسىندا تاراپتار تۇركى مەملەكەتتەرى ۇيىمىنا مۇشە ەلدەر اراسىنداعى تۋريزم جانە سپورت سالاسىنداعى ىنتىماقتاستىقتىڭ وزەكتى ماسەلەلەرىن تالقىلادى. قازاقستان وسى ۇيىمنىڭ بەلسەندى قاتىسۋشىسى رەتىندە باۋىرلاستىق قارىم-قاتىناستاردى نىعايتۋعا جانە تۇركى الەمىن بىرىكتىرۋگە باعىتتالعان باستامالاردى قولدايدى. ەربول مىرزابوسىنوۆ تۇركى مەملەكەتتەرى ۇيىمى ەلدەرى اراسىندا ەتنوسپورت بويىنشا تۇراقتى چەمپيوناتتار مەن تۋرنيرلەر وتكىزۋدى ۇسىندى. بۇل ءىس-شارالار سپورت بايلانىستارىن نىعايتۋعا جانە تۇركى حالىقتارىنىڭ مادەني داستۇرلەرىن ساقتاۋعا كومەكتەسەدى.
«بۇگىن تۇركى دۇنيەسى ءۇشىن اۋقىمدى ءارى ماڭىزدى سپورتتىق ءىس-شارا – 5ء-شى دۇنيەجۇزىلىك كوشپەندىلەر ويىندارى باستالادى. قازاقستان دۇنيەجۇزىلىك كوشپەندىلەر ويىندارىن تۇركى حالىقتارىنىڭ بىرەگەي مادەني مۇراسىن ساقتاۋعا جانە ناسيحاتتاۋعا باعىتتالعان اسا ماڭىزدى وقيعا رەتىندە قاراستىرادى. ويىندار سپورتتىق داستۇرلەردى ىلگەرىلەتىپ قانا قويماي، حالىقتار اراسىنداعى ەتنيكالىق بايلانىستاردى نىعايتا تۇسەتىنىنە سەنىمدىمىز»، - دەدى مينيستر.
ويىندارعا الەمنىڭ 89 ەلىنەن كەلگەن 2700-گە جۋىق سپورتشى مەن رەسمي تۇلعا قاتىسادى. باسەكەلەر 21 سپورت تۇرىنەن ءوتىپ، 97 مەدال جيىنتىعى ساراپقا سالىنادى.