ولار قازاق-رەسەي ىنتىماقتاستىعىنىڭ قازىرگى جاعدايى مەن دامۋ پەرسپەكتيۆالارىن تالقىلادى.
انتاليا ديپلوماتيالىق فورۋمى اياسىندا پرەمەر-مينيستر ورىنباسارى – سىرتقى ىستەر ءمينيسترى مۇرات نۇرتىلەۋ رەسەيدىڭ سىرتقى ىستەر ءمينيسترى سەرگەي لاۆروۆپەن كەزدەستى، دەپ حابارلايدى Almaty-akshamy.kz
"كەزدەسۋ بارىسىندا تاراپتار ەلدەر اراسىنداعى قارىم-قاتىناس دەڭگەيىن جوعارى باعالادى، سونداي-اق قازاق-رەسەي ىنتىماقتاستىعىنىڭ قازىرگى جاعدايى مەن دامۋ پەرسپەكتيۆالارىن تالقىلادى. مينيسترلەر سونداي-اق الداعى ءىس-شارالاردىڭ كۇنتىزبەسىن قاراپ، حالىقارالىق جانە وڭىرلىك كۇن تارتىبىندەگى وزەكتى ماسەلەلەر بويىنشا "ساعاتتارىن تەڭەستىردى"، - دەپ حابارلادى ق ر ءسىم.
سونىمەن قاتار نۇرتىلەۋ وزبەكستان سىرتقى ىستەر ءمينيسترى ءباحتيور سايدوۆپەن، ازەربايجان سىرتقى ىستەر ءمينيسترى دجەيحۋن بايراموۆپەن، سلوۆاكيا سىرتقى ىستەر ءمينيسترى يۋراي بلانارمەن، سولتۇستىك ماكەدونيا سىرتقى ىستەر ءمينيسترى بۋيار وسمانيمەن جانە مولدوۆا سىرتقى ىستەر ءمينيسترى ميحايل پوپشامەن بولەك كەلىسسوزدەر جۇرگىزدى.