ماماندار ەكى ەل اراسىنداعى ساۋدا جانە ەكونوميكالىق بايلانىستار ءوسىمىنىڭ وڭ سەرپىنىن اتاپ ءوتتى.
قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگىنىڭ قاتىسۋىمەن 2022 جىلعى 29 ناۋرىزدا «رەسەي - قازاقستان. شەكارا ماڭى وڭىرلەرىنىڭ ءوزارا ءىس-قيمىل پەرسپەكتيۆالارى» ونلاين-كونفەرەنسيا وتكىزىلدى، دەپ حابارلايدى Almaty-akshamy.kz.
«ءىس-شارانى ارىپتەستىك بيزنەس بايلانىستاردى ورناتۋ الاڭى – «استانا» ديپلوماتيالىق كلۋبى ۇيىمداستىردى. ونلاين-كونفەرەنسياعا ىسكەر توپتار مەن مەملەكەتتىك ۇيىمداردىڭ 50-دەن استام وكىلدەرى قاتىستى»، - دەلىنگەن ساۋدا جانە ينتەرگراسيا مينيسترلىگىنىڭ باسپا ءسوز قىزمەتىنىڭ حابارلاماسىندا.
قازاقستان رەسپۋبليكاسىنداعى رەسەي فەدەراسياسىنىڭ ساۋدا وكىلى اندرەي ۆلاديميروۆيچ بابكو قۇتتىقتاۋ ءسوز سويلەدى، ول رەسەي مەن قازاقستان اراسىنداعى ساۋدا جانە ەكونوميكالىق بايلانىستار ءوسىمىنىڭ وڭ سەرپىنىن اتاپ ءوتتى.
كونفەرەنسياعا قاتىسۋشىلاردى قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلىنىڭ ورىنباسارى نۇرجان قايىرجان ۇلى سادىقوۆ قۇتتىقتادى، ول لوگيستيكالىق تىزبەكتەردى قايتا قۇرۋ جاعدايىندا شەكارا ماڭىنداعى وڭىرلەردىڭ ترانزيتتىك الەۋەتىن پايدالانۋ قاجەتتىلىگىن اتاپ ءوتتى، سونداي-اق باتىس قازاقستان وبلىسىنىڭ ونەركاسىپتىك الەۋەتىنە، ونىڭ ىشىندە قۇرىلىپ جاتقان «ەۋرازيا» ساۋدا-ونەركاسىپتىك حابىنىڭ الاڭىنا نازار اۋداردى.
سامارا جانە باتىس قازاقستان وبلىستارى اراسىنداعى تاۋار اينالىمىنىڭ وڭ سەرپىنىن (2021 جىلدىڭ قورىتىندىسى بويىنشا 27% ءوسىم نەمەسە 500 ملن.دوللاردان ءسال ارتىق) ەسكەرە وتىرىپ، ىسكە اسىرىلماعان ترانزيتتىك-لوگيستيكالىق الەۋەت، سونداي-اق تاماق سالاسىنداعى، مۇناي-گاز حيمياسى مەن قۇرىلىس وبلىستارىنداعى ساۋدا-ونەركاسىپتىك بايلانىستاردىڭ ءوزارا ءوسۋ نۇكتەلەرى بار.
«قازاقستان رەسپۋبليكاسىنىڭ ۇكىمەتى ترانسشەكارالىق حابتاردى دامىتۋدىڭ ءبىرىڭعاي ستراتەگياسىن قابىلداۋ تۋرالى جاريالادى، ونىڭ شەڭبەرىندە قازاقستاندا ترانسشەكارالىق ساۋدانىڭ 5 ورتالىعى قۇرىلادى جانە جاڭعىرتىلادى. قازاقستان مەن رەسەيدىڭ باتىس شەكاراسىندا ءىرى وڭىرلىك نارىقتارعا تىكەلەي جاقىن ورنالاسقان ساۋدا-ونەركاسىپ ورتالىعىن قۇرۋ جوسپارلانۋدا»، - دەلىنگەن ساۋدا جانە ينتەرگراسيا مينيسترلىگىنىڭ باسپا ءسوز قىزمەتىنىڭ حابارلاماسىندا.
كونفەرەنسيا قورىتىندىسى بويىنشا، قاتىسۋشىلار بيىلعى جىلى باتىس قازاقستان جانە سامارا وبلىستارى كومپانيالارى اراسىندا ۆ2ۆ كەزدەسۋلەرىن ۇيىمداستىرۋ تۋرالى ۋاعدالاستىققا قول جەتكىزدى.