ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ رەسەي سۋ رەسۋرستارى فەدەرالدى اگەنتتىگىنىڭ باسشىسى دميتريي كيريللوۆپەن تەلەفون ارقىلى تۇراقتى بايلانىستا. تاراپتار گيدروتەحنيكالىق نىسانداردىڭ اپاتسىز جۇمىسىن قامتاماسىز ەتۋ ءۇشىن ەكى ەلدىڭ شەكارالاس ايماقتارىنداعى سۋ تاسقىنى جاعدايىن ءجىتى باقىلاۋدا ۇستاپ وتىر.
ەستەرىڭىزگە سالا كەتەيىك، رەسەي فەدەراسياسىنىڭ اۋماعىندا ءبىرقاتار ترانسشەكارالىق وزەندەر بويىنشا سۋ تاسقىنى اعىنىنىڭ قالىپتاسۋىنا بايلانىستى ق ر سۋ رەسۋرستارى جانە يرريگاسيا مينيسترلىگى روسگيدرومەتپەن دە تاۋلىك بويى گيدرولوگيالىق دەرەكتەر الماسادى.
سونداي-اق، ورىنبور جانە ساراتوۆ وبلىستارىنىڭ سۋ قىزمەتتەرىمەن تۇراقتى اقپارات الماسۋدا.
«رەسەيلىك ارىپتەستەرىمىزبەن سوڭعى دەرەكتەردى الماسقاننان كەيىن ەلىمىزدەگى سۋ قويمالارىنىڭ سۋ اعىنىن دالىرەك رەتتەۋگە مۇمكىندىگىمىز بار، سونداي-اق اكىمدىكتەر مەن تجد-نى ۋاقتىلى حاباردار ەتە الامىز. رەسەي فەدەراسياسىنىڭ سۋ رەسۋرستارى فەدەرالدى اگەنتتىگىمەن تىعىز ىنتىماقتاستىق تابيعاتتىڭ توسىن مىنەزىنە الدىن الا دايىندالۋعا مۇمكىندىك بەرەدى»،- دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.