قازاقستان رەسپۋبليكاسى مەن رەسەي فەدەراسياسىنىڭ سىرتقى ىستەر مينيسترلىكتەرى اراسىنداعى 2023-2024 جىلدارعا ارنالعان ىنتىماقتاستىق جونىندەگى ءىس-شارالار جوسپارى شەڭبەرىندە دەپارتامەنت ديرەكتورلارى دەڭگەيىندە لاتىن امەريكاسى ماسەلەلەرى بويىنشا كونسۋلتاسيالار ءوتتى.
قازاقستاندىق تاراپتى ق ر ءسىم امەريكا دەپارتامەنتىنىڭ ديرەكتورى رۋسلان ۋرازالين، رەسەيلىك تاراپتى – رف ءسىم لاتىن امەريكاسى دەپارتامەنتىنىڭ ديرەكتورى الەكساندر ششەتينين باسقاردى، دەپ حابارلايدى Almaty-akshamy.kz سىرتقى ىستەر مينيسترلىگىنە سىلتەمە جاساپ.
كونسۋلتاسيالار بارىسىندا تاراپتار لاتىن امەريكاسى جانە كاريب باسسەينى ەلدەرىمەن ىنتىماقتاستىق سالاسىنداعى تاجىريبەلەرىمەن ءبولىستى، وڭىرلىك كۇن ءتارتىبىنىڭ كەڭ اۋقىمدى ماسەلەلەرى بويىنشا پىكىر الماستى، سونداي-اق سىرتقى ساياسي ۆەدومستۆولار اراسىندا تۇراقتى كونسۋلتاسيالار تاجىريبەسىن جالعاستىرۋعا كەلىستى.