تاراپتار ساۋدا-ەكونوميكالىق، ينۆەستيسيالىق جانە ءوڭىرارالىق ىنتىماقتاستىقتىڭ اعىمداعى جاعدايى مەن دامۋ پەرسپەكتيۆالارىن تالقىلادى
قازاقستاننىڭ قىتايداعى ەلشىسى شاحرات نۇرىشيەۆ قحر كوممەرسيا ءمينيسترىنىڭ ورىنباسارى – حالىقارالىق ساۋدا بويىنشا كەلىسسوزدەرىندەگى قىتايدىڭ وكىلى (مينيستر دەڭگەيىندە) ۆان شوۋۆەنمەن كەزدەسۋ وتكىزدى، دەپ حابارلايدى Almaty-akshamy.kz ءسىم باسپا ءسوز قىزمەتىنە سىلتەمە جاساپ.
ءىس-شارا بارىسىندا تاراپتار قازاقستان مەن جۇڭگو اراسىنداعى ساۋدا-ەكونوميكالىق، ينۆەستيسيالىق جانە ءوڭىرارالىق ىنتىماقتاستىقتىڭ اعىمداعى جاعدايى مەن دامۋ پەرسپەكتيۆالارىن تالقىلادى. اتاپ ايتقاندا، سۇحباتتاستار اتالعان سالالاردا ىنتىماقتاستىقتىڭ جاڭا كوزقاراستارىن قالىپتاستىرۋ ماڭىزدىلىعىن اتاپ ءوتتى.
ەكىجاقتى ىنتىماقتاستىققا قوسىمشا «سەرپىن» بەرۋ جانە قولايلى جاعدايلار جاساۋ ماقساتىندا شارتتىق-قۇقىقتىق بازانى جەتىلدىرۋ تاقىرىبىنا ەرەكشە نازار اۋدارىلدى.
ش.نۇرىشيەۆ سۇحباتتاسۋشىنىڭ نازارىن ەلەكتروندىق كوممەرسيانى قوسا العاندا، ەكىجاقتى ساۋدا كولەمىن ارتتىرۋ بويىنشا تۇراقتى ىنتالاندىرۋ شارالارىن قابىلداۋ قاجەتتىگىنە اۋداردى. وسى تۇرعىدا قازاقستاندىق ديپلومات 2026 جىلعا دەيىنگى ساۋدا-ەكونوميكالىق ىنتىماقتاستىق باعدارلاماسىن كەلىسۋدى جەدەلدەتۋ، سونداي-اق ساۋدا، ينۆەستيسيالار جانە ءوڭىرارالىق ءوزارا ءىس-قيمىل سالالارىنداعى جۇمىس تەتىكتەرىن جانداندىرۋدى ۇسىندى. ەلشى قازاقستاندىق تاراپتىڭ قىتايعا وتاندىق مال شارۋاشىلىعى مەن اۋىل شارۋاشىلىعى ونىمدەرىن جەتكىزۋ نومەنكلاتۋراسىن كەڭەيتۋگە دايىن ەكەنىن مالىمدەدى.
سونىمەن قاتار، ەلشى قازاقستان-قىتاي شەكاراسىنداعى وتكىزۋ بەكەتتەرىنىڭ ءتيىمدى جۇمىس ىستەۋى جانە «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قىزمەتىن قايتا جانداندىرۋ ەكى جاقتى ساۋدا ءۇشىن ماڭىزدى ەكەنىن ەرەكشە اتاپ ءوتتى.
ءوز كەزەگىندە ۆان شوۋۆەن قىتايلىق تاراپتىڭ قر-قحر اراسىنداعى ماڭگىلىك جان-جاقتى ستراتەگيالىق ارىپتەستىكتى ودان ءارى نىعايتۋ ماقساتىندا ەكى ەل اراسىنداعى ساۋدا جانە ينۆەستيسيالار سالاسىنداعى ءوزارا ءىس-قيمىلدى جانداندىرۋعا دايىندىعىن ءبىلدىردى. قحر كوممەرسيا ءمينيسترىنىڭ ورىنباسارى قازاقستاندىق تاراپ ۇسىنعان ەكىجاقتى تاۋار اينالىمىنىڭ ءوسۋىن ىنتالاندىرۋ جانە ساۋدا-ەكونوميكالىق ىنتىماقتاستىق تەتىكتەرىن جەتىلدىرۋ جونىندەگى شارالاردى قولدادى.
تاراپتار دسۇ، شىۇ، اوسشك جانە «ورتالىق ازيا - جۇڭگو» فورماتى سياقتى كوپجاقتى بىرلەستىكتەر شەڭبەرىندە تىعىز ءوزارا ءىس-قيمىل جاساۋعا كەلىستى.
كەزدەسۋ قورىتىندىسى بويىنشا تاراپتار كەلىسسوزدەر بارىسىندا قول جەتكىزىلگەن ۋاعدالاستىقتاردى ىسكە اسىرۋ ماقساتىندا قازاقستاننىڭ قىتايداعى ەلشىلىگى مەن قحر كوممەرسيا مينيسترلىگى اراسىنداعى تىعىز ارەكەتتەستىكتى جالعاستىرۋعا كەلىستى.