قۇجات پرەزيدەنتكە قول قويۋعا جىبەرىلدى.
سەنات دەپۋتاتتارى 16 مامىردا پلەنارلىق وتىرىستا قازاقستان مەن جۇڭگو حالىق رەسپۋبليكاسى اراسىنداعى ازاماتتىق جانە قىلمىستىق ىستەر بويىنشا قۇقىقتىق كومەك كورسەتۋ تۋرالى شارتتى راتيفيكاسيالادى، دەپ حابارلايدى Almaty-akshamy.kz
زاڭنىڭ ماقساتى – قازاقستان مەن قىتايدىڭ ازاماتتارى مەن زاڭدى تۇلعالارىنىڭ قۇقىقتارىن قورعاۋدىڭ تيىمدىلىگىن ارتتىرۋ، سونداي-اق ازاماتتىق جانە قىلمىستىق ىستەر بويىنشا قۇقىقتىق كومەك كورسەتۋ.
"زاڭنىڭ مىندەتى مەملەكەت باسشىسىنىڭ جۇڭگو حالىق رەسپۋبليكاسىنا ساپارى بارىسىندا 2023 جىلعى 17 مامىردا سيان قالاسىندا قازاقستان رەسپۋبليكاسى مەن جۇڭگو حالىق رەسپۋبليكاسىنىڭ سىرتقى ىستەر مينيسترلەرى قول قويعان حاتتامانى راتيفيكاسيالاۋ بولىپ تابىلادى"، – دەلىنگەن كونستيتۋسيالىق زاڭنامادا.
سەناتتىڭ تۇراقتى كوميتەتتەرىندە زاڭ بويىنشا ەسكەرتۋلەر مەن ۇسىنىستار جوق.
«زاڭنىڭ كۇتىلەتىن ناتيجەلەرى قازاقستان مەن قىتايدىڭ ازاماتتارى مەن زاڭدى تۇلعالارىنىڭ قۇقىقتارىن قورعاۋعا باعىتتالعان ازاماتتىق جانە قىلمىستىق ىستەر بويىنشا قۇقىقتىق كومەك كورسەتۋ سالاسىنداعى ەكىجاقتى ىنتىماقتاستىقتى ودان ءارى نىعايتۋ بولىپ تابىلادى. حاتتامانى راتيفيكاسيالاۋ كەزىندە ونى ىسكە اسىرۋ تەرىس الەۋمەتتىك-ەكونوميكالىق جانە قۇقىقتىق سالدارعا اكەپ سوقپايدى، سونداي-اق مەملەكەتتىك بيۋدجەتتەن قوسىمشا قارجىلىق شىعىنداردى تالاپ ەتپەيدى»، - دەلىنگەن قورىتىندىدا.