قازاقستان مەن جۇڭگو اراسىنداعى تاۋار اينالىمى ءوستى

بىلتىر ەكى ەل اراسىندا ساۋدا دەڭگەيى 34%-عا ارتقان.

قازاقستاننان قىتايعا ەكسپورتتالعان نەگىزگى تاۋار ىشىندە مۇناي مەن مەتالل، ال يمپورت بويىنشا سمارتفون مەن كومپيۋتەر بار، دەپ حابارلايدى Almaty-akshamy.kz ەnergyprom.kz-كە سىلتەمە جاساپ.

2022 جىلعى قاڭتار-جەلتوقساندا قازاقستان مەن جۇڭگو اراسىنداعى تاۋار اينالىمى 24،1 ميلليارد دوللاردى قۇرادى، بۇل ءبىر جىل بۇرىنعىدان 34،1%-كە ارتىق.

قازاقستاننان ەكسپورت ءبىر جىلدا 34،7%-كە ءوسىپ، 13،2 ميلليارد دوللاردى قۇرادى. قازاقستاننىڭ قىتايعا ەكسپورتىنىڭ ۇلەسى ەلدىڭ جالپى تاۋار اينالىمىنىڭ 15،6%ء-ىن قۇرادى.

قىتايدان قازاقستانعا يمپورت ءبىر جىلدا 33،5%-كە ءوسىپ، 11 ميلليارد دوللاردى قۇرادى. رەسپۋبليكانىڭ يمپورت قۇرىلىمىنداعى قىتايدىڭ ۇلەسى 21،9%ء-تى قۇرادى.

قازاقستاننىڭ قىتايعا ەكسپورتىنىڭ نەگىزگى ساناتتارىنىڭ ىشىندە شيكى مۇناي مەن مۇناي ونىمدەرى، تازارتىلعان مىس جانە مىس قورىتپالارى، تابيعي گاز ءبىرىنشى ورىندا تۇر.

سونىمەن قاتار قىتايدان قازاقستانعا يمپورتتالعان نەگىزگى تاۋارلار اراسىندا تەلەفوندار مەن سمارتفوندار، سونداي-اق كومپيۋتەرلەر، كيىم-كەشەك، شينالار مەن اۆتوكولىك بولشەكتەرى بار.