قازاقستاننىڭ 1100-دەن استام كاسىپورنى ءوز ونىمدەرىن قىتايعا ەكسپورتتاۋعا قۇقىلى
قازاقستان مەن قىتايدىڭ تاۋار اينالىمى 2022 جىلدىڭ توعىز ايىندا 22،5%-عا ءوسىپ، 23،2 ملرد دوللارعا جەتتى. بۇل تۋرالى جۇما كۇنى ەكىجاقتى قاتىناستارعا ارنالعان بريفينگ بارىسىندا قحر-داعى ق ر ەلشىسى شاحرات نۇرىشيەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ش. نۇرىشيەۆ وسى جىلدىڭ قاڭتار-قىركۇيەك ايلارى ارالىعىندا تاۋار اينالىمى 22،5%-عا ارتىپ، 23،2 ملرد دوللاردى قۇراعانىن اتاپ ءوتتى.
قحر-داعى ق ر ەلشىسىنىڭ ايتۋىنشا، اۋىل شارۋاشىلىعى سالاسىنداعى ىنتىماقتاستىق بەلسەندى كەزەڭدە تۇر.
«اگروونەركاسىپ كەشەنى ونىمدەرىنىڭ ساۋدا كولەمى سەنىمدى تۇردە وسۋدە. قازاقستاننىڭ 1100-دەن استام كاسىپورنى ءوز ونىمدەرىن قىتايعا ەكسپورتتاۋعا قۇقىلى»، - دەدى ول.
2015 جىلدان باستاپ ق ر اۋىل شارۋاشىلىعى ونىمدەرىنىڭ 20 ءتۇرىن جۇڭگو نارىعىنا شىعىرۋ ءۇشىن فيتوسانيتاريالىق تالاپتار بويىنشا حاتتامالارعا قول قويىلدى.
2022 جىلعى 3 قاڭتاردا ق ر مەن قحر اراسىنداعى ديپلوماتيالىق قاتىناستاردىڭ ورناعانىنا 30 جىل تولدى.