ق ر اۋىل شارۋاشىلىعى ءمينيسترى ايداربەك ساپاروۆ وزبەكستان رەسپۋبليكاسى اۋىل شارۋاشىلىعى ءمينيسترى يبروحيم ابدۋراحمونوۆپەن كەزدەسۋ وتكىزدى.
ايداربەك ساپاروۆ اگروونەركاسىپتىك كەشەن سالاسىنداعى ءوزارا ءىس-قيمىل قازاقستان مەن وزبەكستان ىنتىماقتاستىعىنىڭ باسىم باعىتتارىنىڭ ءبىرى بولىپ تابىلاتىنىن اتاپ ءوتتى، دەپ حابارلايدى aqshamnews.kz
2023 جىلى اوك ءونىمى بويىنشا تاۋار اينالىمى 1،7 ملرد اقش دوللارىن قۇرادى، 2023 جىلى وزبەكستانعا 1،51 ملرد اقش دوللارىنا ءونىم ەكسپورتتالدى. 2024 جىلعى قاڭتار-ماۋسىمدا تاۋار اينالىمى 758 ملن.اقش دوللارىن، ەكسپورت - 635،7 ملن. اقش دوللارىن قۇرادى.
"وزبەكستان-بىزدىڭ نەگىزگى ساۋدا سەرىكتەسىمىز جانە سىزدەرمەن وسىمدىك شارۋاشىلىعى مەن مال شارۋاشىلىعىندا ىنتىماقتاستىقتى نىعايتۋعا، ءونىم ەكسپورتىن كەڭەيتۋگە مۇددەلىمىز.
اعىمداعى جىلى ءبىز 23 ملن گەكتاردان استام القاپ ەگىپ، ءداندى داقىلداردىڭ جاقسى ءونىمىن كۇتەمىز. بۇدان باسقا، ازىق-تۇلىك كورپوراسياسىنىڭ رەسۋرستارىندا 1 ملن.توننادان استام استىق بار جانە جەتكىزۋگە دايىن.
ەت ونىمدەرىن جەتكىزۋدى ۇلعايتۋ بويىنشا شارالار قابىلدانۋدا. بۇگىندە ەكسپورتتاۋشى كاسىپورىنداردىڭ تىزىلىمىندە مال شارۋاشىلىعى ونىمدەرىن وندىرەتىن 80 قازاقستاندىق كاسىپورىن بار، ولاردىڭ 14ء-ى اعىمداعى جىلى ەنگىزىلگەن، 130-دان استام كاسىپورىن ەنگىزۋدى كۇتۋدە"، - دەپ اتاپ ءوتتى ايداربەك ساپاروۆ.
جول كارتاسى شەڭبەرىندە ينۆەستيسيالىق كەلىسىمدەر مەن ساۋدا كەلىسىمشارتتارىن ىسكە اسىرۋ بويىنشا بىرلەسكەن جۇمىس جۇرگىزىلۋدە.
اتاپ ايتقاندا، حالىقارالىق ونەركاسىپتىك كووپەراسيا ورتالىعىنىڭ اۋماعىندا استىقتى تەرەڭ وڭدەۋ جانە وسىمدىك مايىن تازارتۋ بويىنشا ەكى جوبانى ىسكە اسىرۋ جوسپارلانۋدا. تۇركىستان وبلىسىندا قۋاتتىلىعى تاۋلىگىنە 1500 توننا بولاتىن 10 مىڭ باس ءىرى قارا مال بورداقىلاۋ الاڭى مەن ەت وڭدەۋ كەشەنى سالىنۋدا.
پىسىقتاۋ ساتىسىندا - تۇركىستان وبلىسىنىڭ جىبەك شارۋاشىلىعى سالاسىن دامىتۋ، ق ر اۋماعىندا ءداندى جانە جەمشوپ داقىلدارىن بىرلەسىپ ءوسىرۋ جونىندەگى جوبالار.
قازاقستاندىق تاراپ ءۇشىن وزبەكستاننىڭ بىلعارى شيكىزاتىن وڭدەۋ تاجىريبەسى ەرەكشە قىزىعۋشىلىق تۋدىرادى.
"قازاقستاندا تەرىنى باستاپقى وڭدەۋ بويىنشا 9 كاسىپورىن جۇمىس ىستەيدى. ولاردىڭ قۋاتتىلىعى 3،3 ملن. داناعا دەيىن ءىرى قارا تەرىسىن جانە 4 ملن. دانادان استام ۇساق مال تەرىسىن وڭدەۋگە مۇمكىندىك بەرەدى. الايدا، وندىرىستەر تەك 20-30% جۇكتەلگەن. تەرىنى قايتا وڭدەۋ جوبالارىن قۇرۋدى قولداۋعا دايىنبىز؟
سونىمەن قاتار، قازاقستان مەن وزبەكستاننىڭ عىلىمي-زەرتتەۋ ينستيتۋتتارىن تارتا وتىرىپ، ماقتا ءوسىرۋ باعىتى بويىنشا ىنتىماقتاستىق ءبىز ءۇشىن پەرسپەكتيۆالى بولىپ تابىلادى"، - دەدى ايداربەك ساپاروۆ.
ايتا كەتەيىك، ەلىمىزدە ماقتا شارۋاشىلىعىن دامىتۋ بويىنشا جۇمىستار جۇرگىزىلۋدە. اعىمداعى جىلى ءشيتتى ماقتانىڭ ساپاسىن جاقسارتۋ ماقساتىندا وزبەكستاننان 1500 تونناعا جۋىق جوعارى رەپرودۋكسيالى تۇقىم يمپورتتالدى.
توقىما، تىگىن ونەركاسىبىن دامىتۋ ءۇشىن وزبەك ينۆەستورلارىمەن بىرلەسىپ ماقتاارال اۋدانىندا قۇنى 21 ملرد.تەڭگە بولاتىن ماقتا-توقىما كەشەنى مەن لوگيستيكالىق حاب قۇرۋ جوسپارلانۋدا. جوبانىڭ قۋاتتىلىعى 160 مىڭ توننانى قۇرايدى. جوبا 2026 جىلدان 2027 جىلعا دەيىن تولىق سيكلدە ىسكە قوسىلادى.
"ءبىز ىنتىماقتاستىقتى نىعايتۋ جانە اۋىل شارۋاشىلىعىن بىرلەسىپ دامىتۋ بويىنشا بارلىق ۇسىنىستاردى قولدايمىز. بۇل ءۇشىن كوپتەگەن مۇمكىندىكتەر بار، ۇلكەن الەۋەت بار جانە ونى بارىنشا پايدالانۋ قاجەت. جول كارتاسىنىڭ بارلىق تارماقتارى ءسىزدىڭ قولداۋىڭىزدىڭ ارقاسىندا ورىندالدى، بىرنەشە باعىت بويىنشا جاقسى ناتيجەلەر بار. كۇنباعىس پەن تەرىنى وڭدەۋ ماسەلەلەرىندەگى ىنتىماقتاستىقتى قاراستىرۋعا دايىنبىز"، - دەدى يبروحيم ابدۋراحمونوۆ.
كەزدەسۋ سوڭىندا مينيسترلەر قازاقستاندا ءداندى جانە مايلى داقىلداردى ءوسىرۋ بويىنشا ىنتىماقتاستىق تۋرالى مەموراندۋمعا قول قويدى.