ق ر تۋريزم جانە سپورت ءمينيسترىنىڭ ورىنباسارى ەرجان ەركىنبايەۆ Air Asia ح اۋە كومپانياسىنىڭ باس ديرەكتورى بەنيامين بين يسمايل جانە كومپانيا وكىلدەرىمەن كەزدەسۋ وتكىزدى.
تاراپتار قازاقستاننىڭ تۋريستىك الەۋەتىن دامىتۋ پەرسپەكتيۆالارىن، جولاۋشىلار اعىنىن ارتتىرۋ جوسپارلارىن جانە ءتۋريزمدى دامىتۋعا باعىتتالعان بىرلەسكەن جوبالاردى تالقىلادى، دەپ حابارلايدى اlmaty-akshamy.kz.
«تىكەلەي رەيستەر ساياحاتشىلار ءۇشىن قولايلى جاعداي جاساپ قانا قويماي، ەلىمىزدى شەتەلدىك تۋريستەرگە قولجەتىمدى ەتەدى. سونىمەن قاتار تۋريستەر سانىنىڭ ارتۋىنا، كەلۋ ءتۋريزمىنىڭ گەوگرافياسىن كەڭەيتۋگە جانە تۋريستىك بيزنەسكە جاڭا مۇمكىندىك جاسايدى»، - دەدى ەرجان ەركىنبايەۆ.
ونىڭ ايتۋىنشا، تىكەلەي رەيستەردىڭ اشىلۋى – ازىرگە تەك ءبىرىنشى كەزەڭ. اۋە رەيستەرى ەكى ەل اراسىنداعى ساۋدا-ەكونوميكالىق بايلانىستاردى دامىتۋدا شەشۋشى ءرول اتقارادى. ولار ىسكەرلىك كەلىسسوزدەردى جەڭىلدەتىپ، ساۋدا مەن ينۆەستيسيانى ىنتالاندىرادى. كۋالا-لۋمپۋر مەن الماتى اراسىندا اشىلاتىن رەيستەر اياسىندا بيزنەس-تۋريزم اعىنىنىڭ ارتۋى كۇتىلۋدە، بۇل تاجىريبە مەن ءبىلىم الماسۋعا ىقپال ەتىپ، ينۆەستيسيالاۋ مۇمكىندىكتەرىن كەڭەيتەدى. ءوز كەزەگىندە Air Asia وكىلدەرى كۋالا-لۋمپۋر مەن الماتى اراسىندا 2024 جىلدىڭ ناۋرىزىنان باستاپ اپتاسىنا ءتورت رەيس (سەيسەنبى، بەيسەنبى، سەنبى جانە جەكسەنبى) جيىلىگىمەن تىكەلەي تۇراقتى جولاۋشىلار رەيسىن ىسكە قوسۋعا نيەتتى ەكەنىن جەتكىزدى. اۋە كومپانياسى وكىلدەرىنىڭ ايتۋىنشا، بۇل قادام ەكى ەل اراسىنداعى تۋريستىك، ساۋدا-ەكونوميكالىق جانە ينۆەستيسيالىق ىنتىماقتاستىق ءۇشىن جاڭا مۇمكىندىكتەر اشپاق.