قازاقستان ۇكىمەتتەر اراسىنداعى كەلىسىمگە ۆيزاسىز رەجيم ورناتۋ بولىگىندە وزگەرىستەر ەنگىزەتىن حاتتاما جوباسى دايىندالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
سونىمەن قۇجاتتىڭ اتاۋى بىلاي وزگەرتىلدى: قازاقستان رەسپۋبليكاسىنىڭ ۇكىمەتى مەن كاتار مەملەكەتىنىڭ ۇكىمەتى اراسىنداعى ديپلوماتيالىق، ارنايى، قىزمەتتىك جانە جالپى پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىم.
قازاقستان ازاماتتارى ءۇشىن مىنا قۇجاتتار جارامدى:
• ديپلوماتيالىق پاسپورت؛
• رەسمي ءتولقۇجات؛
• قازاقستان ازاماتىنىڭ ءتولقۇجاتى.
كاتار مەملەكەتىنىڭ ازاماتتارى ءۇشىن:
• ديپلوماتيالىق پاسپورت؛
• ارنايى ءتولقۇجات؛
• جالپى ءتولقۇجات.
بۇل ءتولقۇجاتتاردىڭ يەلەرى ەكىنشى تاراپ مەملەكەتىنىڭ اۋماعىنا ءبىرىنشى رەت كەلگەن كۇننەن باستاپ 90 كۇن ىشىندە 30 كۇننەن اسپايتىن مەرزىمگە ۆيزاسىز كىرۋگە، شىعۋعا، ترانزيتپەن وتۋگە يە بولا الادى.
جوبانى قابىلداۋ قازاقستان رەسپۋبليكاسى مەن كاتار مەملەكەتى اراسىنداعى تىعىز ىنتىماقتاستىقتى دامىتۋعا جانە ديپلوماتيالىق، قىزمەتتىك، قىزمەتتىك جانە ازاماتتىق ءتولقۇجاتتاردىڭ يەلەرى ءۇشىن ۆيزاسىز جەڭىلدەتىلگەن ءتارتىپتى ورناتۋعا باعىتتالعان.
كەلىسىمگە كاتار ءامىرى شەيح تاميم بەن حاماد ءال-تانيدىڭ 2022 جىلدىڭ قازان ايىندا قازاقستانعا مەملەكەتتىك ساپارى كەزىندە سىرتقى ىستەر ۆەدومستۆولارىنىڭ باسشىلارى قول قويادى دەپ بولجانىپ وتىر.
قۇجات 3 قازانعا دەيىن اشىق نقا ۆەب-سايتىندا جاريالانعان.