اسكەري ىنتىماقتاستىق بىتىمگەرشىلىك قىزمەتكە نەگىزدەلگەن
قازاقستان مەن كانادانىڭ اسكەري ىنتىماقتاستىق ماسەلەلەرى تالقىلاندى، دەپ حابارلايدى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
قورعانىس مينيسترلىگىندە حالىقارالىق ىنتىماقتاستىق دەپارتامەنتى باستىعىنىڭ ورىنباسارى پولكوۆنيك ۆالەريي ۆيشنيكين كانادانىڭ رەسەي فەدەراسياسى جانە قازاقستان رەسپۋبليكاسىنداعى قوسا اتقارۋشى اسكەري اتتاشەسىنىڭ ورىنباسارى 2-دارەجەلى كاپيتان رونالد گوتەمەن كەزدەستى.
تاراپتار ءبىلىم بەرۋ سالاسىنداعى ىنتىماقتاستىقتىڭ دامۋ كوكجيەگىن، تىلدىك دايارلىق، بىتىمگەرشىلىك بولىمشەلەردىڭ الەۋەتى مەن مۇمكىندىكتەرىن ارتتىرۋ ماسەلەلەرىن تالقىلادى.
قازاقستان مەن كانادانىڭ اسكەري ىنتىماقتاستىعى بىتىمگەرشىلىك قىزمەتكە نەگىزدەلگەن. وسى تۇرعىدا بۇۇ-نىڭ بىتىمگەرشىلىك باستامالارىن ىلگەرىلەتۋدەگى كانادانىڭ ءرولىن اتاپ وتكەن ءجون.