قۇجات نەعۇرلىم تىعىز ىنتىماقتاستىقتى دامىتۋعا ارنالعان.
سەناتتىڭ جالپى وتىرىسىندا «2018 جىلعى 17 مامىرداعى ءبىر تاراپتان ەاەو مەن وعان مۇشە مەملەكەتتەر جانە ەكىنشى تاراپتان يران اراسىنداعى ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىمگە حاتتامانى راتيفيكاسيالاۋ تۋرالى» زاڭ قابىلداندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
حاتتامانىڭ ماقساتى - ۋاقىتشا كەلىسىمنىڭ قولدانىلۋ مەرزىمىن 2025 جىلعى 27 قازانعا دەيىن ۇزارتۋ جانە تاراپتار اراسىنداعى پرەفەرەنسيالىق ساۋدا رەجيمىنىڭ الشاقتىعىنا جول بەرمەۋ.
«حاتتاما ەۋرازيالىق ەكونوميكالىق وداققا مۇشە مەملەكەتتەر مەن يران اراسىنداعى ەكونوميكالىق قارىم-قاتىناستاردى نىعايتۋدى كوزدەيدى. قابىلدانعان زاڭ قازاقستان مەن يران اراسىنداعى تاۋار اينالىمىنىڭ ۇلعايۋىنا وڭ اسەر تيگىزەدى دەپ سەنەمىز»، - دەدى سەنات ءتوراعاسى ماۋلەن اشىمبايەۆ.
سەناتتىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ مالىمەتىنشە، بۇل قۇجات ءبىرقاتار تاۋارلار بويىنشا تاريفتىك جانە تاريفتىك ەمەس كەدەرگىلەردى ازايتۋ ارقىلى ەلدەر اراسىنداعى تاۋارلار ساۋداسىن ىرىقتاندىرۋعا جانە وڭايلاتۋعا باعىتتالعان.
سونىمەن قاتار ەركىن ساۋدا ايماعىن قالىپتاستىرۋ ءۇشىن نەگىز قۇرۋعا باعىتتالعان، ونىڭ اياسىندا حالىقارالىق قاعيدالارعا، ستاندارتتارعا جانە پراكتيكالارعا سايكەس، تاراپتار اراسىنداعى ساۋداعا قاتىستى باجدار مەن ساۋدانى رەتتەۋدەگى وزگە دە شەكتەۋ شارالارى جويىلاتىن بولادى.
كەلىسىم مەملەكەتتەر اراسىنداعى ەكونوميكالىق جانە ساۋدا-ساتتىقتاعى ءوزارا ءىس-قيمىلدى قولداۋعا، نەعۇرلىم تىعىز ىنتىماقتاستىقتى دامىتۋعا ارنالعان.