قازاقستان مەن بولگاريا اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل
2021 جىلى قازاقستان مەن بولگاريا اراسىنداعى تاۋار اينالىمى 390،8 ملن اقش دوللارىنا جەتتى. 2022 جىلدىڭ العاشقى 3 ايىندا بۇل كورسەتكىش 36،65 ملن. اقش دوللارىن قۇرادى، دەپ حابارلايدى Almaty-akshamy.kz ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
5 ماۋسىمدا قازاقستان رەسپۋبليكاسى مەن بولگاريا رەسپۋبليكاسى اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولادى. ايتۋلى وقيعاعا وراي ەكى مەملەكەتتىڭ باسشىلارى قاسىم-جومارت توقايەۆ پەن رۋمەن راديەۆ، سونداي-اق قازاقستان پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى مەن بولگاريا سىرتقى ىستەر ءمينيسترى تەودورا گەنچوۆسكا ءوزارا قۇتتىقتاۋ حات الماستى. نۇر-سۇلتان مەن سوفيادا مەرەيتويعا وراي ەكى مەملەكەتتىڭ سىرتقى ىستەر مينيسترلىكتەرىندە رەسمي كەزدەسۋلەر ءوتتى. قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو بولگاريا ەلشىسى بويان حادجييەۆتى، ال بولگاريا سىرتقى ىستەر ءمينيسترىنىڭ ورىنباسارى ۆاسيل گەورگييەۆ قازاقستان ەلشىسى تەمىرتاي ءىزباستيندى قابىلدادى.
«تاريحي مەجە بويىنشا وسىنداي قىسقا كەزەڭ ىشىندە سەنىمدى ساياسي ديالوگ قالىپتاسىپ ۇلگەردى. ول ىلگەرى دامىپ كەلەدى، بۇعان ەكىجاقتى كۇن تارتىبىندەگى پروبلەمالىق ماسەلەلەردىڭ جوقتىعى جانە جوعارى جانە بيىك دەڭگەيلەردەگى بايلانىستاردىڭ تۇراقتى ديناميكاسى دالەل بولا الادى»، – دەپ اتاپ ءوتتى.ر. ۆاسيلەنكو.
ديپلوماتتار الداعى جىلدارى جان-جاقتى ىنتىماقتاستىق ساياسي، ساۋدا-ەكونوميكالىق جانە مادەني-گۋمانيتارلىق سالالاردا حالىقتارىمىزدىڭ يگىلىگى ءۇشىن ودان ءارى كەڭەيە بەرەتىنىنە سەنىم ءبىلدىردى. ەكى ەل اراسىندا جوعارعى جانە ۇكىمەتتىك دەڭگەيدە تۇراقتى بايلانىستار ورناتىلعانىن، سونداي-اق پارلامەنتارالىق ديالوگتىڭ قارقىندى دامۋ سەرپىنىن ريزاشىلىقپەن اتاپ ءوتتى. تاراپتار ساۋدا-ەكونوميكالىق جانە ينۆەستيسيالىق ءوزارا ءىس-قيمىلدى ودان ءارى كەڭەيتۋ قاجەتتىلىگىنە ەرەكشە توقتالدى. قازاقستان، بولگاريا ءۇشىن ورتالىق ازيا ەلدەرى اراسىنداعى ەڭ ءىرى ساۋدا سەرىكتەسى بولىپ تابىلادى. سونىمەن بىرگە، بولگاريا قازاقستاننىڭ بالقان ءوڭىرى مەملەكەتتەرى اراسىنداعى توپ-5 ساۋدا سەرىكتەستەرىنىڭ قاتارىنا كىرەدى. سونداي-اق ينۆەستيسيا سالاسىنداعى ءوزارا ءىس-قيمىل جوسپارلى تۇردە دامۋدا. قازاقستان ەكونوميكاسىنا بولگار ينۆەستيسيالارىنىڭ جيىنتىق جالپى اعىنى 2005-2021 جىلدار ارالىعىندا 55،8 ملن دوللارعا جەتتى. بۇل شاما كۇننەن-كۇنگە ارتىپ كەلەدى. تۋريزم جانە اۋىل شارۋاشىلىعى سەكىلدى سالالاردا پەرسپەكتيۆالى بىرلەسكەن جوبالاردى دامىتۋ ءۇشىن ۇلكەن الەۋەت بار. ەكى ەل بىر-بىرىنەن مىڭداعان شاقىرىم قاشىقتىقتا ورنالاسقانىنا قاراماستان، ولاردى ورتاق تاريحي تاعدىر بىرىكتىرىپ وتىر. قازاقستاننىڭ شىققان تەگى بولگار ازاماتتارى ەل ءومىرىنىڭ بەلسەندى قاتىسۋشىلارى بولىپ تابىلادى. بولگارلاردىڭ ۇلتتىق ءتىلىن، مادەنيەتى مەن داستۇرلەرىن دامىتۋ ماقساتىندا قازاقستاندا بولگار ەتنومادەني بىرلەستىكتەرى اقتوبە وبلىسىنداعى «ۆيارا»، نۇر-سۇلتاندا «زلاتا»، پاۆلودار وبلىسىندا «سلاۆيانە» جانە اتىراۋ وبلىسىنداعى «ۆوزروجدەنيە» ورتالىقتارى اشىلدى. پاۆلودار وبلىسىندا ك. ب. دارجۋمان اتىنداعى ۇلتتىق جاڭعىرۋ مەكتەبىنىڭ بولگار ءبولىمى تابىستى جۇمىس ىستەۋدە. ق ر سىرتقى ىستەر مينيسترلىگىندەگى كەزدەسۋدىڭ قورىتىندىسى بويىنشا ەكى مەملەكەت جانە حالىقتار اراسىندا ءوزارا ءتيىمدى ىقپالداستىق پەن دوستىقتىڭ الداعى ۋاقىتتا دا قارىشتى دامۋىنا ورتاق سەنىم ءبىلدىرىلدى.