قازاقستان مەن بىرىككەن اراب امىرلىكتەرى اراسىندا قاتىنايتىن رەيستەر سانى ارتتى، دەپ حابارلايدى ق ر يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياسيا كوميتەتىنىڭ باسپا ءسوز قىزمەتى.
«قازاقستان مەن بىرىككەن اراب امىرلىكتەرىنىڭ اۆياسيالىق بيلىكتەرى اراسىنداعى قول جەتكىزىلگەن ۋاعدالاستىقتار شەڭبەرىندە قازاقستان رەسپۋبليكاسى پرەزيدەنتىنىڭ 2023 جىلعى 15-17 قاڭتارداعى ءباا–گە ساپارىنىڭ قورىتىندىسى بويىنشا قازاقستان رەسپۋبليكاسى مەن بىرىككەن اراب امىرلىكتەرى اراسىنداعى رەيستەر سانى ارتۋدا»، - دەلىنگەن ق ر ييدم باسپا ءسوز قىزمەتى تاراتقان حابارلامادا.
وسىلايشا، اۆياتاسىمالداردىڭ قولجەتىمدىلىگى جانە اۆيابيلەتتەر قۇنىن تومەندەتۋ ماقساتىندا 22 قاڭتاردان باستاپ «Wizz Air Abu Dhabi» لوۋكوست اۋە كومپانياسى ابۋ-دابي جانە الماتى قالالارى اراسىنداعى رەيستەر سانىن اپتاسىنا 3-تەن 4-كە دەيىن (سەيسەنبى، بەيسەنبى، سەنبى جانە جەكسەنبى) ارتتىردى. ۇشۋلار Airbus A320/A321 ءتيپتى اۋە كەمەلەرىندە ورىندالادى.
سونداي-اق، «Fly Dubai» اۋە كومپانياسى 26 قاڭتاردان باستاپ دۋباي – استانا باعىتى بويىنشا رەيستەر سانىن اپتاسىنا 10-نان 14-كە دەيىن جانە 28 قاڭتاردان باستاپ دۋباي-الماتى باعىتى بويىنشا اپتاسىنا 10-نان 14-كە دەيىن ارتتىرۋدى جوسپارلاپ وتىر. سونىمەن قاتار، 28 اقپاننان باستاپ «Fly Dubai» اۋە كومپانياسى اپتاسىنا 2 رەيس جيىلىگىمەن (سارسەنبى، سەنبى) شىمكەنت-دۋباي باعىتى بويىنشا رەيستەردى قايتا باستاۋدى جوسپارلاپ وتىر. «Fly Dubai» اۋە كومپانياسىنىڭ ۇشۋلارى ب-737 ۇلگىسىندەگى اۋە كەمەلەرىندە ورىندالادى.
رەيستەر سانىنىڭ ارتۋى ەكى ەل اراسىنداعى تۋريستىك، ىسكەرلىك جانە ساۋدا-ەكونوميكالىق ىنتىماقتاستىقتى ودان ءارى دامىتۋعا ىقپال ەتەتىنىن اتاپ ءوتۋ ماڭىزدى.