قازاقستان مەن بەلارۋس مۇناي جانە مۇناي ونىمدەرىن جەتكىزۋ سالاسىنداعى كەلىسىمگە قول قويدى
ەنەرگەتيكا ءمينيسترى نۇرلان نوعايەۆ پەن بر سىرتقى ىستەر ءمينيسترىنىڭ ءبىرىنشى ورىنباسارى الەكساندر گۋريانوۆ ق ر ۇكىمەتى مەن بر ۇكىمەتى اراسىنداعى بەلارۋس رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى كەلىسىمگە قول قويدى، دەپ حابارلادى Almaty-akshamy.kz. ق ر ەنەرگەتيكا مينيسترلىگىنىڭ سايتىندا جاريالانعان حابارعا سىلتەمە جاساپ.
2014 جىلعى 29 مامىرداعى ەۋرازيالىق ەكونوميكالىق ىنتىماقتاستىق تۋرالى شارتتا ايقىندالعان تالاپتارعا بايلانىستى ەاەو-عا مۇشە مەملەكەتتەر اراسىنداعى مۇناي مەن مۇناي ونىمدەرىنىڭ جەتكىزىلىمدەرى جەكەلەگەن ەكىجاقتى كەلىسىمدەرمەن رەتتەلەدى.
ەلدەر اراسىنداعى جەمىستى ءوزارا ءىس-قيمىلدى جانە ەۋرازيالىق ەكونوميكالىق ينتەگراسيا جولىمەن ىلگەرىلەۋدى جالعاستىرۋ ءۇشىن بۇگىن مۇناي سالاسىنداعى ساۋدا-ەكونوميكالىق ىنتىماقتاستىقتىڭ ۇكىمەتارالىق كەلىسىمىنە قول قويىلدى.
كەلىسىمدە بەلارۋس رەسپۋبليكاسىنا مۇناي جانە مۇناي ونىمدەرىن جەتكىزۋ شارتتارى ايقىندالعان.
تاراپتاردىڭ ىنتىماقتاستىعى ءوزارا مۇددەلەردى قورعاۋعا نەگىزدەلەدى.
كەلىسىمگە قول قويىلعاننان كەيىن تاراپتار قازاقستان رەسپۋبليكاسىنىڭ ەكونوميكالىق مۇددەلەرىن ەسكەرە وتىرىپ، قازاقستاندىق مۇناي مەن مۇناي ونىمدەرىنىڭ بەلارۋس رەسپۋبليكاسىنا جەتكىزىلىمدەرىنىڭ الەۋەتتى كولەمىن تالقىلاۋعا كىرىسەدى.