قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ بىرىككەن اراب امىرلىكتەرىنىڭ قازاقستانداعى ەلشىسى مۇحاممەد ال-اريكيمەن كەزدەسۋ وتكىزدى.
تاراپتار قازاقستان مەن امىرلىكتەردىڭ اراسىنداعى ىنتىماقتاستىقتىڭ نەگىزگى ماسەلەلەرىن، اتاپ ايتقاندا ساۋدا-ەكونوميكالىق جانە ينۆەستيسيالىق بايلانىستاردىڭ قارقىندى دامۋىن تالقىلادى، دەپ حابارلايدى aqshamnews.kz Cىرتقى ىستەر مينيسترلىگىنە سىلتەمە جاساپ.
ءسىم باسشىسى ءباا ەلىمىزدىڭ تاياۋ شىعىستاعى نەگىزگى سەرىكتەستەرىنىڭ ءبىرى ەكەنىن جانە مەملەكەت باسشىلارى اراسىنداعى سەنىمدى ديالوگتى اتاپ ءوتتى.
تاراپتار ق ر پرەزيدەنتى قاسىم-جومارت توقايەۆتىڭ «ءابۋ ءدابيدىڭ ورنىقتى دامۋ اپتالىعىنا» قاتىسۋ ءۇشىن باا-گە جاقىندا جاساعان جۇمىس ساپارىنىڭ قورىتىندىلارىن وڭ باعالادى.
سۇحبات بارىسىندا ەكىجاقتى تاۋار اينالىمىن ۇلعايتۋ جانە كولىك-لوگيستيكالىق ىنتىماقتاستىقتى كەڭەيتۋ ءۇشىن جاڭا جولداردى ىزدەۋدىڭ ماڭىزدىلىعىنا ەرەكشە نازار اۋدارىلدى. بۇل تۇرعىدا ەلدەر اراسىنداعى جولاۋشىلار اعىنىنىڭ ارتۋى جانە تۋريستىك ساپارلار سانىنىڭ ءوسۋى قاناعاتتانۋشىلىقپەن اتالىپ ءوتتى.
سونىمەن قاتار سۇحباتتاستار جاھاندىق كۇن ءتارتىبىن تالقىلاپ، حالىقارالىق ۇيىمدار اياسىندا بەلسەندى جۇمىستى جالعاستىرۋعا كەلىستى.