مەملەكەت باسشىسىنىڭ ءازىربايجانعا مەملەكەتتىك ساپارى بارىسىندا ق ر عىلىم جانە جوعارى ءبىلىم ءمينيسترى ساياسات نۇربەك پەن ءازىربايجان رەسپۋبليكاسىنىڭ عىلىم جانە ءبىلىم ءمينيسترى ەمين ەلدار وگلۋ امرۋللايەۆتىڭ، سونداي-اق ADA University وكىلدەرىنىڭ كەزدەسۋى ءوتتى.
ساياسات نۇربەك پەن ەمين ەلدار وگلۋ امرۋللايەۆ اراسىندا 2017 جىلعى 3 ساۋىردەگى ءازىربايجان رەسپۋبليكاسىنىڭ ءبىلىم مينيسترلىگى مەن قازاقستان رەسپۋبليكاسىنىڭ ءبىلىم جانە عىلىم مينيسترلىگى اراسىنداعى ءبىلىم سالاسىنداعى ىنتىماقتاستىق تۋرالى كەلىسىمگە وزگەرىستەر ەنگىزۋ تۋرالى حاتتاماعا قول قويىلدى، دەپ حابارلايدى Almaty-akshamy.kz.
قول قويۋ شەڭبەرىندە دوكتورانتۋراعا كۆوتالار سانى ارتۋدا. تاراپتار جىل سايىن باكالاۆريات، ماگيستراتۋرا، دوكتورانتۋرا باعدارلامالارى، ۇزدىكسىز ينتەگراسيالانعان مەديسينالىق ءبىلىم بەرۋ جانە رەزيدەنتۋرا باعدارلاماسى بويىنشا ءبىلىم الۋشىلارمەن بالامالى الماسۋدى جۇزەگە اسىرادى.
ۆەدومستۆو باسشىلارى ەكى دوستاس ەلدىڭ جوعارى ءبىلىمى مەن عىلىمىن دامىتۋ باعىتىندا تىعىز ىنتىماقتاستىقتىڭ ودان ءارى مۇمكىندىكتەرىن تالقىلادى.
وسى ورايدا «Qonayev Academic Campus Fund» مەن «ADA University» اراسىندا ءوزارا كەلىسىم تۋرالى مەموراندۋمعا قول قويىلدى.
«قازاقستان مەن ءازىربايجاننىڭ باي تاريحى مەن عاسىرلاردى قامتيتىن تەرەڭ بايلانىستارى بار. ەكىجاقتى قارىم-قاتىناستىڭ ماڭىزى ءبىزدىڭ شەكارامىزدان اسىپ تۇسەدى جانە ءبىلىم، عىلىم جانە يننوۆاسيانى قوسا العاندا، ءارتۇرلى سەكتورلاردا ىنتىماقتاستىق ءۇشىن ۇلكەن الەۋەتكە يە. ءبىزدىڭ اكادەميالىق ينستيتۋتتار اراسىنداعى سينەرگيانى نىعايتۋ ءۇشىن وسى الەۋەتتى پايدالانۋ وتە ماڭىزدى. وسى تۇرعىدا ءبىزدىڭ كەزدەسۋىمىز اتالمىش باستاماداعى ماڭىزدى قادامدى اڭعارتادى. ءبىز اكادەميالىق ىنتىماقتاستىقتى كەڭەيتۋگە جانە تاجىريبە الماسۋعا نەگىز سالۋدامىز. «Qonayev Academic Campus» جانە «ADA University» اراسىنداعى سەرىكتەستىك يننوۆاسيالاردىڭ كاتاليزاتورى بولا الادى، ەكونوميكالىق دامۋدى ىنتالاندىرادى جانە ءبىزدىڭ وڭىردە، ودان تىس جەرلەردە كوشباسشىلاردىڭ كەلەسى بۋىنىنىڭ مۇمكىندىكتەرىن كەڭەيتە الادى»، - دەپ اتاپ ءوتتى س.نۇربەك.
سونىمەن قاتار، مينيستر ADA University-دە وقيتىن قازاقستاندىق ستۋدەنتتەرمەن كەزدەسۋ وتكىزىپ، ءازىربايجان ۋنيۆەرسيتەتىنىڭ كامپۋسىن ارالادى.
ايتا كەتەيىك، ADA University Times Higher Education – Impact Rankings: Quality Education 2023 رەيتينگىنىڭ توپ – 200-گە كىرەدى. ۋنيۆەرسيتەت اقش-تىڭ «Anthology» ءبىلىم بەرۋ-زەرتتەۋ ورتالىعىمەن سيفرلىق وقىتۋ جانە ءبىلىم بەرۋ سالاسىنداعى وڭىرلىك كوشباسشى رەتىندە سەرتيفيكاتتالعان.