قازاقستاننىڭ ازەربايجانداعى ەلشىسى ءالىم بايەل ازەربايجان رەسپۋبليكاسىنىڭ ميللي ءماجىلىسىنىڭ ءتورايىمى ساحيبا گافاروۆامەن كەزدەستى، دەپ حابارلايدى aqshamnews.kz
ديپلومات ق ر پارلامەنتى ءماجىلىسىنىڭ ءتوراعاسى ەرلان قوشانوۆتىڭ اتىنان 2025 جىلعى 11-12 ماۋسىمدا استانادا وتەتىن تۇركپا 14ء-شى پلەنارلىق سەسسياسىنا شاقىرۋ حاتىن تابىستادى.
ءا. بايەل قازاق-ازەربايجان قاتىناستارىنىڭ جوعارى ديناميكاسىن، ساۋدا-ەكونوميكالىق جانە كولىك-لوگيستيكالىق بايلانىستاردىڭ نىعايۋىن، سونداي-اق پارلامەنتارالىق ىنتىماقتاستىقتىڭ ماڭىزدىلىعىن اتاپ ءوتتى.
ەلشى قازاقستان تاراپىنىڭ تۇركپا قىزمەتىنىڭ تيىمدىلىگىن ارتتىرۋ، ونى ودان ءارى ينستيتۋسيوناليزاسيالاۋ جانە بەدەلدى حالىقارالىق پارلامەنتارالىق ۇيىم رەتىندە نىعايتۋ قاجەتتىلىگى تۋرالى ۇستانىمىنا نازار اۋداردى.
س. گافاروۆا شاقىرۋدى قابىلداپ، ەكىجاقتى جانە كوپجاقتى قاتىناستارعا وڭ اسەر ەتەتىن فاكتورلاردىڭ ءبىرى زاڭ شىعارۋشى ورگانداردىڭ ءوزارا ءىس-قيمىلى ەكەندىگىن اتاپ ءوتتى.
سپيكەر ازەربايجاننىڭ ميللي ءماجىلىسى ق ر پارلامەنتى ماجىلىسىمەن دە، سەناتىمەن دە تىعىز بايلانىس ورناتقانىن قاناعاتتانۋشىلىقپەن اتاپ ءوتتى. س. گافاروۆا قازاقستان پرەزيدەنتى قاسىم-جومارت توقايەۆتىڭ 2024 جىلعى مەملەكەتتىك ساپارى بارىسىندا ازەربايجان پارلامەنتىنە كەلۋىن جىلى لەبىزبەن ەسكە الدى.
سونىمەن قاتار، ەلدەر اراسىندا دەپۋتاتتىق دوستىق توبى جۇمىس ىستەيتىنى، دەپۋتاتتاردىڭ ءوزارا ساپارلارى جانە حالىقارالىق پارلامەنتتىك ۇيىمداردىڭ الاڭدارىندا تۇراقتى كەزدەسۋلەر وتكىزىلەتىنى اتالىپ ءوتتى. سونداي-اق، ميللي ءماجىلىستىڭ ءتورايىمى تۇركپا قىزمەتىن بىرلەسىپ جەتىلدىرۋگە دايىن ەكەندىكتەرىن ءبىلدىردى.
كەزدەسۋ بارىسىندا ودان ءارى ءوزارا ءىس-قيمىل، سونىڭ ىشىندە قازاقستان-ازەربايجان پارلامەنتارالىق دوستىق توبىنىڭ كەزەكتى وتىرىسىن وتكىزۋ ماسەلەلەرى تالقىلاندى.